മാണ്ഡി: തെരഞ്ഞെടുപ്പില്‍ ഹിമാചല്‍പ്രദേശിലെ മാണ്ഡി മണ്ഡലത്തില്‍ എന്‍ഡിഎയുടെ ബിജെപി സ്ഥാനാര്‍ഥിയായി നാമനിര്‍ദേശ പത്രിക സമര്‍പ്പിച്ച് ബോളിവുഡ് താരം കങ്കണ റണൗത്ത്. കങ്കണയുടെ ജന്‍മനാട് കൂടിയാണ് മാണ്ഡി.
അമ്മയ്ക്കും സഹോദരിക്കുമൊപ്പമെത്തിയാണ് കങ്കണ റണൗത്ത് നാമനിര്‍ദേശ പത്രിക സമര്‍പ്പിച്ചത്. ഏഴാംഘട്ട വോട്ടെടുപ്പിന് നാമനിര്‍ദേശ പത്രിക സമര്‍പ്പിക്കാനുള്ള അവസാന ദിനമായിരുന്നു ഇന്ന്.
also read:സംസ്ഥാനത്ത് നാല് ജില്ലകളില്‍ മഞ്ഞപ്പിത്തം; അതീവ ജാഗ്രത വേണമെന്ന് ആരോഗ്യവകുപ്പ്
‘മാണ്ഡിയിലെ ജനങ്ങളും അവരുടെ സ്‌നേഹവുമാണ് എന്നെ ഇവിടെ എത്തിച്ചത്. രാജ്യത്തെ വനിതകള്‍ എല്ലാ മേഖലകളിലും അവരുടെ സാന്നിധ്യം അറിയിക്കുകയാണെന്നും കങ്കണ പറഞ്ഞു.
‘മാണ്ഡിയില്‍ ഏതാനും വര്‍ഷങ്ങള്‍ മുമ്പ് ഭ്രൂണഹത്യകള്‍ വര്‍ധിച്ചിരുന്നു. എന്നാല്‍ ഇന്ന് മാണ്ഡിയിലെ വനിതകള്‍ ആര്‍മിയിലുണ്ട്, വിദ്യാഭ്യാസ മേഖലകളിലുണ്ട്, രാഷ്ട്രീയത്തിലുണ്ട്. മാണ്ഡി ലോക്സഭ സീറ്റില്‍ നിന്ന് മത്സരിക്കുന്നത് അഭിമാനമാണ്. ബോളിവുഡിലെ വിജയം രാഷ്ട്രീയത്തിലും ആവര്‍ത്തിക്കാനാകുമെന്നാണ് പ്രതീക്ഷിക്കുന്നത്’ എന്നും കങ്കണ റണൗത്ത് പറഞ്ഞു.
Discussion about this post