പാലക്കാട്: ലോറിക്ക് പിന്നില് പിക്കപ്പ് വാന് ഇടിച്ചുകയറിയുണ്ടായ അപകടത്തില് രണ്ടുമരണം. പാലക്കാട് ജില്ലയിലെ കഞ്ചിക്കോട്ട് ദേശീയപാതയില് വെച്ചായിരുന്നു അപകടം.
മേപ്പറമ്പ് പേഴുങ്കര സ്വദേശി നിഷാദ് (23), കൊടുന്തിരപ്പുള്ളി സ്വദേശി ശിവന് (57) എന്നിവരാണ് മരിച്ചത്. അപകടത്തില് ഗുരുതരമായി പരിക്കേറ്റ പിക്കപ്പ് വാന് ഡ്രൈവറെ ആശുപത്രിയില് പ്രവേശിപ്പിച്ചു.
ഇന്ന് പുലര്ച്ചെയാണ് അപകടം. കോയമ്പത്തൂരില് നിന്ന് പാലക്കാട്ട് ഭാഗത്തേയ്ക്ക് വരുകയായിരുന്ന ലോറിക്ക് പിന്നില് കോഴി കയറ്റി വന്ന പിക്കപ്പ് വാന് ഇടിക്കുകയായിരുന്നു.
അപകടത്തില് പിക്കപ്പ് വാന് പൂര്ണമായി തകര്ന്നു. അപകടത്തില് രണ്ടുപേര് തത്ക്ഷണം മരിച്ചു. പിക്കപ്പ് വാന് ഓടിച്ചിരുന്ന യുവാവിന് ഗുരുതരമായി പരിക്ക് പറ്റി.
വാഹനം പൊളിച്ചാണ് അഗ്നിരക്ഷാസേന മൂവരെയും പുറത്തെടുത്തത്. പരിക്കേറ്റ യുവാവിനെ പാലക്കാട്ടെ സ്വകാര്യ ആശുപത്രിയില് പ്രവേശിപ്പിച്ചു. ഡ്രൈവര് ഉറങ്ങിപ്പോയതാകാം അപകടകാരണമെന്നാണ് പൊലീസിന്റെ പ്രാഥമിക നിഗമനം.
Discussion about this post