കൊല്ലം: ഉത്സപ പറമ്പില്‍ വെച്ച് പ്രായപൂര്‍ത്തിയാകാത്ത ആണ്‍കുട്ടിയോട് ലൈംഗികാതിക്രമത്തിന് ശ്രമിച്ച യുവാവ് അറസ്റ്റില്‍. കൊല്ലം ജില്ലയിലെ പറവൂരിലാണ് സംഭവം. പോക്‌സോ ചുമത്തിയാണ് അറസ്റ്റ്.
ഇരുപത്തിയാറുവയസ്സുകാരനായ പൊഴിക്കര സ്വദേശി വിനീതാണ് പിടിയിലായത്. 10 വയസ്സുള്ള വിദ്യാര്‍ത്ഥിയെ ലൈംഗികമായി ഉപദ്രവിക്കാന്‍ ശ്രമിച്ചന്നാണ് കേസ്.
പൊഴിക്കര ക്ഷേത്രത്തിലെ ഉത്സവ ദിവസമായിരുന്നു സംഭവം. അമ്പലത്തിന്റെ പരിസരത്തു നിന്നു കുട്ടിയെ കൂട്ടിക്കൊണ്ടു പോയി പീഡിപ്പിക്കാന്‍ ശ്രമിച്ചെന്നാണ് പരാതി.
സംഭവം അറിഞ്ഞതിന് പിന്നാലെ കുട്ടിയുടെ അമ്മയാണ് പോലീസില്‍ പരാതി നല്‍കിയത്. അറസ്റ്റ് ചെയ്ത് പരവൂര്‍ കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Discussion about this post