ബദിയടുക്ക: യുവാവ് ശല്യം ചെയ്തതിനെ തുടര്ന്ന് കാസര്കോട് ബദിയടുക്കയില് ആത്മഹത്യയ്ക്ക് ശ്രമിച്ച 15 കാരി മരിച്ചു. എലി വിഷം കഴിച്ച് അത്യാസന്ന നിലയില് ആശുപത്രിയില് ചികിത്സയിലായിരുന്ന 10ാം ക്ലാസ് വിദ്യാര്ഥിനി മരിച്ചു. വിദ്യാര്ഥിനിയുടെ മൊഴി പ്രകാരം പോക്സോ വകുപ്പനുസരിച്ച് കോട്ടക്കുന്ന് സ്വദേശി അന്വര്(24)നെതിരെ കേസെടുത്ത് അറസ്റ്റ് ചെയ്തിരുന്നു. യുവാവിന്റെ നിരന്തര ശല്യം സഹിക്ക വയ്യാതെയാണ് വിദ്യാര്ഥിനി ആത്മഹത്യ ചെയ്തതെന്നാണ് പരാതി.
ഇന്സ്റ്റാഗ്രാമിലൂടെയാണ് പെണ്കുട്ടിയും യുവാവും പരിചയപ്പെട്ടത്. ബന്ധം ഉപേക്ഷിച്ചാല് പിതാവിനെ കൊലപ്പെടുത്തുമെന്ന് യുവാവ് പെണ്കുട്ടിയെ ഭീഷണിപ്പെടുത്തിയിരുന്നു. വിഷം കഴിച്ച പെണ്കുട്ടിയെ മംഗലാപുരത്തും ബംഗളൂരുവിലും ചികിത്സയ്ക്കായി പ്രവേശിപ്പിച്ചെങ്കിലും ജീവന് രക്ഷിക്കാനായില്ല.
അഞ്ച് ദിവസം പെണ്കുട്ടി ചികിത്സയിലായിരുന്നു. ഇതുമായി ബന്ധപ്പെട്ട് നേരത്തെ തന്നെ യുവാവിനെതിരെ കുട്ടിയുടെ ബന്ധുക്കള് ബദിയടുക്ക പോലീസിന് പരാതി നല്കിയിരുന്നു. എന്നാല് പിന്നീട് ഈ ബന്ധത്തില് നിന്ന് പെണ്കുട്ടി പിന്മാറാന് ശ്രമിച്ചതോടെയാണ് ഭീഷണിയുയര്ന്നത്.
Tuesday, December 30, 2025
യുവാവിന്റെ ശല്ല്യവും ഭീഷണിയും: എലി വിഷം കഴിച്ച 10ാം ക്ലാസ് വിദ്യാര്ഥിനി മരിച്ചു
Related Posts
RECOMMENDED NEWS
Bignewslive.com is a portal dedicated for providing both information and entertainment for people around the globe, especially Malayalees.
Discussion about this post