പത്തനംതിട്ട: പത്തനംതിട്ടയിലെ വ്യാപാരിയുടെ കൊലപാതകത്തില്‍ മൂന്നുപേര്‍ കസ്റ്റഡിയില്‍. 73കാരനായ ജോര്‍ജ് ഉണ്ണൂണ്ണിയുടെ കൊലപാതകവുമായി ബന്ധപ്പെട്ട് പ്രതികളെന്നു സംശയിക്കുന്ന അടൂര്‍ഭാഗത്തുള്ള മൂന്നുപേരെയാണ് പോലീസ് കസ്റ്റഡിയിലെടുത്തത്.
ഇവരെ ചോദ്യം ചെയ്യുകയാണ്. ഒരു ഓട്ടോ പിടിച്ചെടുത്തതായും സൂചനയുണ്ട്. കൊലപാതകം ശ്വാസംമുട്ടിച്ചെന്നാണു പോസ്റ്റ്‌മോര്‍ട്ടം പ്രാഥമിക റിപ്പോര്‍ട്ട്. ജോര്‍ജിന്റെ മുഖത്തു ക്ഷതമേറ്റിട്ടുണ്ടെന്നും വാരിയെല്ലുകളിലൊന്നില്‍ പൊട്ടലുള്ളതായും പോസ്റ്റ്‌മോര്‍ട്ടത്തില്‍ കണ്ടെത്തിയതായി അടുത്ത ബന്ധുക്കള്‍ പറഞ്ഞു.
also read:പുതുവത്സരാഘോഷത്തില്‍ പങ്കെടുത്ത് മടങ്ങവെ ട്രെയിനിടിച്ചു, 17കാരന് ദാരുണാന്ത്യം
മോഷണത്തിനിടെയാണ് കൊലപാതകം നടന്നതെന്ന് ഇന്നലെ പൊലീസ് സ്ഥിരീകരിച്ചിരുന്നു. ജോര്‍ജ് ഉണ്ണൂണ്ണിയുടെ കഴുത്തിലുണ്ടായിരുന്ന 9 പവന്റെ മാലയും ലോക്കറ്റും കടയിലെ മേശയിലുണ്ടായിരുന്ന പണവും നഷ്ടമായിട്ടുണ്ട്.
കടയ്ക്കുള്ളില്‍നിന്നും ജോര്‍ജിന്റെ കഴുത്തു ഞെരിച്ചു കൊല്ലാന്‍ ഉപയോഗിച്ചെന്നു കരുതുന്ന 2 കൈലി മുണ്ടുകളും ഷര്‍ട്ടും പൊലീസ് കണ്ടെടുത്തു. ഇന്നലെ രാവിലെ ആരംഭിച്ച ഇന്‍ക്വസ്റ്റ് നടപടികള്‍ 12 മണിയോടെയാണു പൂര്‍ത്തിയായത്.
Discussion about this post