മാനന്തവാടി: വിദ്യാര്‍ത്ഥി വൈദ്യുതാഘാതമേറ്റ് മരിച്ചു. വയനാട്ടില്‍ കുഴിനിലം ചെക്ഡാമിന് സമീപത്താണ് സംഭവം. അടുവാങ്കുന്ന് കോളനിയിലെ അഭിജിത്ത് ആണ് മരിച്ചത്.
പതിനാലു വയസ്സായിരുന്നു. രാജു – ബിന്ദു ദമ്പതികളുടെ മകനാണ് അഭിജിത്ത്. ചൊവ്വാഴ്ച വൈകിട്ട് കോളനിക്ക് സമീപത്തെ ചെക്ക് ഡാമില്‍ മീന്‍ പിടിക്കാന്‍ ഇറങ്ങിയപ്പോള്‍ ഷോക്കേറ്റതാണെന്നാണ് സൂചന.
സംഭവം അറിഞ്ഞ് ഓടിയെത്തിയ നാട്ടുകാര്‍ ഉടന്‍ അഭിജിത്തിനെ മാനന്തവാടി മെഡിക്കല്‍ കോളജ് ആശുപത്രിയില്‍ എത്തിച്ചിരുന്നു. എന്നാല്‍ ജീവന്‍ രക്ഷിക്കാനായില്ല.
കണിയാരം ഫാ. ജികെഎം ഹയര്‍ സെക്കന്ററി സ്‌കൂളിലെ ഒമ്പതാം ക്ലാസ് വിദ്യാര്‍ത്ഥിയാണ്. അഭിജിത്തിന്റെ മരണവുമായി ബന്ധപ്പെട്ട് പോലീസ് അന്വേഷണം ആരംഭിച്ചു.
Discussion about this post