തിരുവനന്തപുരം: വീട്ടില് കളിച്ചുകൊണ്ടിരിക്കുകയായിരുന്ന കുട്ടിയെ വീട്ടില് അതിക്രമിച്ചുകയറി പീഡിപ്പിച്ച കേസിലെ പ്രതിക്ക് 20 വര്ഷം കഠിനതടവും 35,000 രൂപ പിഴയും ശിക്ഷ. കൊല്ലം പാരിപ്പള്ളി കിഴക്കേനില മിഥുന് ഭവനത്തില് മിഥുനെ(26)യാണ് ശിക്ഷിച്ചത്.
ആറു വയസ്സുള്ള പെണ്കുട്ടിയാണ് പീഡനത്തിന് ഇരയായത്. പിഴ അടച്ചില്ലെങ്കില് പ്രതി ഒരു വര്ഷം കൂടി തടവ് അനുഭവിക്കണം. പിഴത്തുക പെണ്കുട്ടിക്ക് നല്കണം. തിരുവനന്തപുരം അതിവേഗ പ്രത്യേക കോടതിയാണ് വിധി പ്രസ്താവിച്ചത്.
also read; കാലവര്ഷം പിന്മാറി, 72 മണിക്കൂറിനുള്ളില് തുലാവര്ഷമെത്തുമെന്ന് കാലാവസ്ഥ വകുപ്പ്
പിഴത്തുക പെണ്കുട്ടിക്ക് നല്കണമെന്നും കുട്ടിക്ക് ലീഗല് സര്വീസസ് അതോറിട്ടി നഷ്ടപരിഹാരം നല്കണമെന്നും കോടതി നിര്ദേശിച്ചു. 2021നവംബര് 30-നാണ് കേസിനാസ്പദമായ സംഭവം നടന്നത്.
വീട്ടില് അതിക്രമിച്ചുകയറിയ പ്രതി കുട്ടിയുടെ വസ്ത്രങ്ങള് വലിച്ചുകീറിയശേഷം പീഡിപ്പിക്കുകയായിരുന്നു. അമ്മ ബഹളം വെച്ചെങ്കിലും പ്രതി കുട്ടിയെ വിട്ടില്ല. തുടര്ന്ന് അമ്മയുടെ നിലവിളി കേട്ട് നാട്ടുകാര് ഓടിക്കൂടിയപ്പോള് കുട്ടിയെ വീട്ടിലേക്ക് വലിച്ചെറിഞ്ഞിട്ട് പ്രതി രക്ഷപ്പെട്ടു. പ്രതിയുടെ ആക്രമണത്തില് കുട്ടിക്ക് പരിക്കേറ്റിരുന്നു.
Discussion about this post