കോഴിക്കോട്: കോഴിക്കോട് നഗരം കേന്ദ്രീകരിച്ച് കഞ്ചാവ് വില്‍പ്പന നടത്തിയിരുന്ന ഒഡീഷ സ്വദേശി പിടിയില്‍. കസബ പോലീസും ടൗണ്‍ അസിസ്റ്റന്റ് കമ്മീഷണര്‍ പി ബിജുരാജിന്റെ നേതൃത്വത്തിലുള്ള സിറ്റി ക്രൈം സക്വാഡും ചേര്‍ന്നാണ് പ്രതിയെ പിടികൂടിയത്. ബച്ചന്‍ മൊഹന്തി (33) ആണ് കസബ പോലീസിന്റെ പിടിയിലായത്.
കുറ്റിയില്‍താഴം റോഡില്‍ അന്യസംസ്ഥാന തൊഴിലാളികള്‍ കൂട്ടമായി താമസിക്കുന്ന ഷെഡ്ഡില്‍ വെച്ചാണ് 4.800 കിലോഗ്രാം കഞ്ചാവ് ഇയാളുടെ പക്കലില്‍ നിന്നും പോലീസ് കണ്ടെടുക്കുന്നത്.
10 വര്‍ഷമായി മാങ്കാവില്‍ സ്ഥിരമായി താമസമാക്കിയ പ്രതി ഒഡീഷയില്‍ നിന്ന് കുറഞ്ഞ വിലയ്ക്ക് കഞ്ചാവ് കേരളത്തില്‍ എത്തിക്കുകയും സ്വദേശികള്‍ക്കും ഇതരസംസ്ഥാന തൊഴിലാളികള്‍ക്കും വില്‍പ്പന നടത്തുകയുമാണ് പതിവ്.
Discussion about this post