കോട്ടയം: കാമുകിയെ ലൈംഗികമായി പല തവണ ഉപയോഗിച്ച ശേഷം കടന്നു കളഞ്ഞ യുവാവ് പീഡനകേസില്‍ അറസ്റ്റില്‍. വിവാഹം കഴിഞ്ഞ മൂന്നാം നാള്‍ ആണ് കൊല്ലാട് മലമേല്‍ക്കാവ് പനച്ചിക്കല്‍ കിരണ്‍ ജോസഫ്(26) എന്ന യുവാവ് അറസ്റ്റിലായത്. രണ്ട് വര്‍ഷം മുമ്പാണു പത്തനംതിട്ട സ്വദേശിനിയുമായി കിരണ്‍ അടുപ്പത്തിലായത്. വടവാതൂരിലും കൊല്ലാട്ടെ വീട്ടിലും എത്തിച്ചു പല തവണ ലൈംഗികമായി ഉപയോഗിച്ചു.
ശേഷം ഇയാള്‍ വിദേശത്ത് ജോലി ലഭിച്ചു പോയി. ഈ സമയം പെണ്‍കുട്ടിയ്ക്ക് ഹൃദയവാല്‍വിന് തകരാര്‍ സംഭവിച്ചു. യുവതി ചികിത്സയിലാണ് എന്നറിഞ്ഞതോടെ കിരണ്‍ മുങ്ങുകയും വിവാഹത്തില്‍ നിന്ന് പിന്മാറുകയും ചെയ്തു. ഒരാഴ്ച മുമ്പ് കിരണിനെത്തേടി യുവതി കോട്ടയം നഗരത്തിലെത്തി. കാറിലെത്തിയ കിരണും പിതാവും യുവതിയെയുമായി ചങ്ങനാശേരി ഭാഗത്തേക്കു കാറില്‍ കയറ്റിക്കൊണ്ടു പോയി. കാറില്‍വച്ചു യുവതിയെ ക്രൂരമായി മര്‍ദിക്കുകയും ചെയ്തു.
സാരമായി പരുക്കേറ്റ യുവതി ചങ്ങനാശേരിയിലെ സ്വകാര്യ ആശുപത്രിയില്‍ ചികിത്സ തേടി. തുടര്‍ന്ന് വെസ്റ്റ് പോലീസ് സ്റ്റേഷനില്‍ പരാതി നല്‍കുകയായിരുന്നു. കേസില്‍ തുടര്‍നടപടി വൈകിയതോടെ യുവതി ജില്ലാ പോലീസ് മേധാവിക്കു പരാതി കൈമാറി. ഈ സമയം കിരണ്‍ മറ്റൊരു വിവാഹം കഴിച്ചു. മൂന്നാര്‍ യാത്രയ്ക്കിടെയാണ് ഇയാള്‍ അറസ്റ്റിലായത്.
Discussion about this post