തിരുവനന്തപുരം: വിവാഹ വാഗ്ദാനം നല്‍കി യുവതികളെ കബളിപ്പിച്ച അമ്പത്തിരണ്ടുകാരനായ പ്രതി പോലീസ് പിടിയില്‍. തിരുവനന്തപുരത്താണ് സംഭവം. പേരൂര്‍ക്കട ഇ.എസ്.ഐ ആശുപത്രിക്ക് സമീപം മാധവി മന്ദിരത്തില്‍ ജയകൃഷ്ണന്‍. എ നായരിനെയാണ് പോലീസ് പിടികൂടിയത്.
വ്യാജപ്പേരില്‍ വിവാഹപ്പരസ്യം നല്‍കിയ ശേഷം, യുവതികളെ വിവാഹ വാഗ്ദാനം നല്‍കി കബളിപ്പിക്കുകയായിരുന്നു ഇയാള്‍. മ്യൂസിയം പോലീസാണ് ഇയാളെ അറസ്റ്റ് ചെയ്തത.് വിവിധ മാട്രിമോണിയല്‍ സൈറ്റുകളില്‍ വ്യാജ പേരുകളില്‍ രജിസ്റ്റര്‍ ചെയ്ത് ഇയാള്‍ അതുവഴി പെണ്‍കുട്ടികള്‍ക്ക് വിവാഹ താല്പര്യം അയയ്ക്കും.
തുടര്‍ന്ന് അവരുടെ സോഷ്യല്‍ മീഡിയ അക്കൗണ്ട് വിവരങ്ങള്‍ വാങ്ങി ഫ്രണ്ട് റിക്വസ്റ്റ് അയച്ച് ചാറ്റ് ചെയ്യും. പരിചയപ്പെട്ടതിന് ശേഷം ഇങ്ങനെ പലരെയും ഇയാള്‍ വാഗ്ദാനങ്ങള്‍ നല്‍കി.
തുടര്‍ന്ന് ഇതിലൊരു പെണ്‍കുട്ടി നല്‍കിയ പരാതിയിലാണ് അറസ്റ്റ്. നിരവധി യുവതികളെയാണ് ഇയാള്‍ ഇതിനോടകം കബളിപ്പിച്ചതെന്ന് പോലീസ് പറഞ്ഞു.
Discussion about this post