തിരുവനന്തപുരം: 10 ലക്ഷം ലൈക്ക് എന്ന നേട്ടം സ്വന്തമാക്കിയിരിക്കുകയാണ് കേരളാ പോലീസിന്റെ ഔദ്യോഗിക ഫേസ്ബുക്ക് പേജ്. ചിരിയിലൂടെ ചിന്തിപ്പിച്ച് ജനങ്ങളുടെ ശ്രദ്ധയും സ്‌നേഹവും പിടിച്ച്പറ്റി 1മില്യന്‍ ലൈക്ക് സ്വന്തമാക്കിയ കേരളാ പോലീസ് ജനങ്ങളോടുള്ള നന്ദി ഫേസ്ബുക്ക് പേജിലൂടെ പങ്കുവെച്ചു.
‘ലോകശ്രദ്ധേയമായ നേട്ടങ്ങള്‍ കൈവരിച്ചതിനോടൊപ്പം, ഉപകാരപ്രദമായ അറിവുകളും അറിയിപ്പുകളും ചിരിയിലും ചിന്തയിലൂടെ പങ്കുവയ്ക്കുകയും സേവനത്തിന്റെ പുതിയ വാതായനങ്ങള്‍ തുറന്ന് മലയാളികള്‍ക്കൊപ്പം നിരന്തര സാന്നിധ്യമായി നിറഞ്ഞു നില്‍ക്കാനും കേരളപോലീസ് ഫേസ്ബുക്ക് പേജിന് കഴിഞ്ഞു. ഒരു മില്യണ്‍ ലൈക് നേടിത്തന്ന ഓരോരുത്തരോടുമുള്ള സ്‌നേഹം ഈ അവസരത്തില്‍ അറിയിച്ചു കൊള്ളുന്നുവെന്ന്’ കേരളാ പോലീസ് കുറിച്ചു.
ഫേസ്ബുക്ക് പോസ്റ്റിന്റെ പൂര്‍ണ്ണരൂപം
‘സര്‍ക്കാര്‍ സംവിധാനങ്ങളുടെ പരമ്പരാഗത പൊതുജനസമ്പര്‍ക്ക രീതികളില്‍ വ്യത്യസ്തത സൃഷ്ടിച്ച ജനകീയ ഇടപെടലിന്റെ നവീനമാതൃക സൃഷ്ടിക്കാനും, പൊതുജനങ്ങളുമായുള്ള സൗഹാര്‍ദ്ദപരമായ ഇടപെടലുകളിലൂടെ ജനപിന്തുണ നേടിയെടുക്കാനും കേരള പോലീസ് ഫേസ്ബുക് പേജിന് ചുരുങ്ങിയ കാലം കൊണ്ട് കഴിഞ്ഞു എന്ന് ഞങ്ങള്‍ വിശ്വസിക്കുന്നു.
ലോകശ്രദ്ധേയമായ നേട്ടങ്ങള്‍ കൈവരിച്ചതിനോടൊപ്പം, ഉപകാരപ്രദമായ അറിവുകളും അറിയിപ്പുകളും ചിരിയിലും ചിന്തയിലുമൂടെ പങ്കുവയ്ക്കുകയും സേവനത്തിന്റെ പുതിയ വാതായനങ്ങള്‍ തുറന്ന് മലയാളികള്‍ക്കൊപ്പം നിരന്തര സാന്നിധ്യമായി നിറഞ്ഞു നില്‍ക്കാനും കേരളപോലീസ് ഫേസ്ബുക്ക് പേജിന് കഴിഞ്ഞു. ഒരു മില്യണ്‍ ലൈക് നേടിത്തന്ന ഓരോരുത്തരോടുമുള്ള സ്‌നേഹം ഈ അവസരത്തില്‍ അറിയിച്ചുകൊള്ളുന്നു’
Discussion about this post