ആലപ്പുഴ: നിര്‍ത്തിയിട്ട സ്‌കൂള്‍ ബസ്സിന് പുറകില്‍ ബൈക്ക് ഇടിച്ചുകയറി മൂന്ന് യുവാക്കള്‍ക്ക് ദാരുണാന്ത്യം. ആലപ്പുഴ ജില്ലയിലെ അരൂരിലാണ് അപകടം സംഭവിച്ചത്.
23 വയസുകാരായ അഭിജിത്ത്, ആല്‍വിന്‍, വിജോയ് എന്നിവരാണ് മരിച്ചത്. ഇന്ന് പുലര്‌ച്ചെ ഒരുമണിക്കാണ് നാടിനെ നടുക്കിയ അപകടം.
അരൂര്‍ സ്വദേശികളാണ് മരിച്ച അഭിജിത്തും ആല്‍വിനും , ബിജോയ് ചന്തിരൂര് സ്വദേശിയുമാണ്. ബിജോയിയുടെ വീട്ടില്‍ വെച്ച് ബന്ധുവിന്റെ ഒരു ചടങ്ങ് നടന്നിരുന്നു. ഈ ചടങ്ങില്‍ സംബന്ധിച്ചശേഷം പോകുമ്പോഴായിരുന്നു അപകടമുണ്ടായതെന്നാണ് വിവരം.
ഇവര്‍ സഞ്ചരിച്ചിരുന്ന ബൈക്ക് സ്‌കൂള്‍ ബസിന് അടിയിലേക്ക് ഇടിച്ചുകയറി തകര്‍ന്ന നിലയിലായിരുന്നു. അഭിജിത്തും ആല്‍വിനും സംഭവസ്ഥലത്തു വെച്ചു തന്നെ മരിച്ചു. ബിജോയ് വര്‍ഗീസ് ഇന്നു രാവിലെയാണ് മരിച്ചത്.
Discussion about this post