കോട്ടയം: ബസിലെ സ്ഥിരം യാത്രക്കാരിയോട് അപമര്യാദയായി പെരുമാറിയ സ്വകാര്യ ബസ് ഡ്രൈവറുടെ ലൈസൻസ് തെറിച്ചു. വൈക്കം സ്വദേശി ജിഷ്ണു രാജിന്റെ ലൈസൻസാണ് മോട്ടർ വാഹന വകുപ്പ് എൻഫോഴ്സ്മെന്റ് വിഭാഗം താൽക്കാലികമായി റദ്ദാക്കിയത്. ഒൻപതു ദിവസത്തേയ്ക്കു റദ്ദാക്കിയ ലൈസൻസ് വിശദീകരണത്തിന് ശേഷം പുതുക്കി നൽകും.
also read-മാളിയേക്കല്‍ തറവാട്ടിലെ മറിയുമ്മ ഇനി ഓര്‍മ്മ: യാത്രയായത് മലബാറിലെ മുസ്ലിം കുടുംബങ്ങളില്‍ ആദ്യമായി ഇംഗ്ലീഷ് വിദ്യാഭ്യാസം നേടിയ വനിത
വൈക്കം – ഇടക്കൊച്ചി റൂട്ടിൽ സർവീസ് നടത്തുന്ന ബസിലെ യാത്രക്കാരിയുടെ പരാതിയിലാണ് നടപടി. ബസിലെ സ്ഥിരം യാത്രക്കാരിയായിരുന്ന യുവതി ഡ്രൈവറോട് ഇറങ്ങേണ്ട സ്റ്റോപ്പ് എത്തുന്നതിനു മുൻപു തന്നെ ഇക്കാര്യം പറഞ്ഞിരുന്നു.
എന്നാൽ, വാഹനം നിർത്താമെന്നു മറുപടി നൽകിയ ഡ്രൈവർ യാത്രക്കാരി ഇറങ്ങുന്നതിനിടെ വാഹനം മുൻപോട്ട് എടുക്കുകയായിരുന്നു. അടുത്ത ദിവസം ഈ വിവരം ചോദ്യം ചെയ്ത യാത്രക്കാരിയെ ഡ്രൈവർ അസഭ്യം പറഞ്ഞ് അപമാനിക്കുകയായിരുന്നു.
തുടർന്നാണു യാത്രക്കാരി മോട്ടോർ വാഹന വകുപ്പ് ഉദ്യോഗസ്ഥർക്കു പരാതി നൽകിയത്. അന്വേഷണം നടത്തിയ മോട്ടോർ വാഹന വകുപ്പ് എൻഫോഴ്സ്മെന്റ് ആർടിഒ ജി അനന്തകൃഷ്ണനു യാത്രക്കാരിയുടെ പരാതി ന്യായമാണെന്നു കണ്ടെത്തി. ഇതേതുടർന്നാണ് ഡ്രൈവർ ജിഷ്ണു രാജിന്റെ ലൈസൻസ് റദ്ദാക്കിയത്.
Discussion about this post