അമ്പലപ്പുഴ: 6 മണിക്കൂറിനുള്ളിൽ 24 മുട്ടയിട്ട് വീട്ടുകാരെയും നാട്ടുകാരെയും ഞെട്ടിച്ചിരിക്കുകയാണ് പുന്നപ്ര തെക്ക് ചെറകാട്ടിൽ സി.എൻ.ബിജുകുമാറിന്റെ വീട്ടിലെ ബിവി 380 എന്ന സങ്കരയിനം കോഴി. കഴിഞ്ഞ ദിവസം രാവിലെ 8.30നും ഉച്ചയ്ക്ക് 2.30നും ഇടയിൽ ഇത്രയും മുട്ടകളിട്ടത്. ബിജുകുമാറിന്റെ മക്കൾ ‘ചിന്നു’ എന്ന് ഓമനപ്പേരിട്ടു വിളിക്കുന്ന കോഴിയാണ് ‘കൂട്ട മുട്ടയിടൽ’ നടത്തിയത്.
500 രൂപ പിഴ അടപ്പിച്ചു : പോലീസ് സ്റ്റേഷന്റെ ഫ്യൂസ് ഊരി ലൈന്മാന്
കഴിഞ്ഞ ദിവസം രാവിലെ മുതൽ ചിന്നു മുടന്തി നടക്കുന്നതും ശ്രദ്ധിച്ച ബിജുകുമാർ തൈലം പുരട്ടിയ ശേഷം മറ്റു കോഴികളിൽ നിന്ന് ഇതിനെ മാറ്റി നിർത്തി. അൽപനേരം കഴിഞ്ഞ് ചിന്നു തുടർച്ചയായി മുട്ടയിടുകയായിരുന്നു. അസാധാരാണ മുട്ടയിടൽ അറിഞ്ഞ് എത്തിയ നാട്ടുകാരുടെ മുന്നിലും ചിന്നു മുട്ടയിടൽ തുടർന്നു.
8 മാസം പ്രായമായ ചിന്നുവിനെ ഉൾപ്പെടെ 23 കോഴികളെ ബാങ്ക് വായ്പയെടുത്ത് 7 മാസം മുൻപാണ് ബിജുവും ഭാര്യ മിനിയും ചേർന്ന് വാങ്ങിയത്. സംഭവം അപൂർവമാണെന്നും ശാസ്ത്രീയ പഠനങ്ങൾക്കു ശേഷം മാത്രമേ ഇങ്ങനെ സംഭവിക്കുന്നതിന്റെ കാരണം വ്യക്തമാകൂ എന്നും മണ്ണുത്തി വെറ്ററിനറി സർവകലാശാല പോൾട്രി ആൻഡ് ഡക് ഫാം അസി.പ്രഫ. ബിനോജ് ചാക്കോ പറഞ്ഞു. ഏതായാലും ചിന്നുവിനെ കാണാൻ നാട്ടുകാരും ഒഴുകി എത്തുന്നുണ്ട്.
Discussion about this post