ലഖ്‌നൗ : മോഷണത്തിന് ശേഷം ആഹ്ലാദപ്രകടനം നടത്തുന്ന യുവാവിന്റെ സിസിടിവി ദൃശ്യങ്ങള്‍ വൈറലാകുന്നു. ഉത്തര്‍പ്രദേശില്‍ ചന്ദൗലി മാര്‍ക്കറ്റിലെ ഒരു ഹാര്‍ഡ് വെയര്‍ കടയില്‍ നടന്ന മോഷണത്തിന്റെ സിസിടിവി ദൃശ്യങ്ങളിലാണ് യുവാവിന്റെ വിജയ നൃത്തം പതിഞ്ഞത്.
यूपी में अब चोर चोरी के बाद जश्न मना रहा है चंदौली में @chandaulipolice आपकी कोई ज़िम्मेदारी है क्या ? @adgzonelucknow pic.twitter.com/RTnNJdScEa
— Manoj KAKA (@ManojSinghKAKA) April 18, 2022
കടയില്‍ നിന്ന് സാധനങ്ങള്‍ മോഷ്ടിക്കുന്നതും തുടര്‍ന്ന് മോഷ്ടാവ് നൃത്തം ചെയ്യുന്നതുമാണ് ദൃശ്യങ്ങളിലുള്ളത്‌. ഏപ്രില്‍ 16ന് പുലര്‍ച്ചെയായിരുന്നു മോഷണം. കടയില്‍ കയറിയ യുവാവ് ക്യാഷ് കൗണ്ടറില്‍ നിന്ന് പണമെടുത്ത ശേഷം ക്യാമറയില്‍ നോക്കി നൃത്തം ചെയ്യുകയായിരുന്നു. ക്യാമറ പരിശോധിച്ചതിന് ശേഷമായിരുന്നു നൃത്തം. മോഷ്ടാവ് തുണി ഉപയോഗിച്ച് മുഖം മറച്ചിട്ടുണ്ട്.
കടയുടമ രാവിലെ എത്തിയപ്പോഴാണ് മോഷണവിവരം അറിയുന്നത്. തുടര്‍ന്ന് സിസിടിവി ദൃശ്യങ്ങള്‍ പരിശോധിക്കുകയും ഡാന്‍സ് അടക്കമുള്ള വീഡിയോ ശ്രദ്ധയില്‍ പെടുകയുമായിരുന്നു. കടയില്‍ നിന്ന് 6000 രൂപയും വിലപിടിപ്പുള്ള മറ്റ് വസ്തുക്കളും നഷ്ടപ്പെട്ടതായാണ് വിവരം. സംഭവത്തില്‍ പോലീസ് അന്വേഷണം ആരംഭിച്ചു.
Discussion about this post