ലഖ്നൗ: കാച്ചുകോഴിയെ വെടിവെച്ച് പിടിച്ച സംഭവത്തില്‍ ഗോള്‍ഫ് താരം ജ്യോതി രന്ധാവ അറസ്റ്റില്‍. മൃഗവേട്ട കേസിലാണ് അറസ്റ്റ്. ജ്യോതിയില്‍ നിന്ന് തോക്കും കണ്ടെടുത്തിട്ടുണ്ട്. കഴിഞ്ഞ ദിവസമാണ് ജ്യോതി വനമേഖലയില്‍ കടന്ന് കാട്ടുകോഴിയെ പിടിച്ചത്. ശേഷമാണ് ഉത്തര്‍പ്രദേശിലെ ബഹ്റിയയില്‍ നിന്നും ജ്യോതിയുടെ അറസ്റ്റ് രേഖപ്പെടുത്തിയത്.
മോട്ടിപുര്‍ റേഞ്ചിലെ ടൈഗര്‍ റിസര്‍വിനു സമീപത്തുനിന്നാണ് ജ്യോതിയെ കസ്റ്റഡിയില്‍ എടുത്തത്. ഈ സമയം ഇയാളുടെ കൈവശമിരുന്ന .22 റൈഫിളും വാഹനവും പിടിച്ചെടുത്തിരുന്നു. വന്യജീവി സംരക്ഷണ നിയമപ്രകാരമാണ് ഇയാളെ കസ്റ്റഡിയില്‍ എടുത്തത്.
ടൈഗര്‍ റിസര്‍വ് സമീപം ഇയാള്‍ കൃഷിയിടമുണ്ട്. കഴിഞ്ഞ മൂന്നു ദിവസമായി ഇയാള്‍ സമീപത്തെ വനമേഖലയില്‍ ഉണ്ടായിരുന്നുവെന്ന് വനംവകുപ്പിന് വിവരം ലഭിച്ചിരുന്നു. ശേഷം നടത്തിയ രഹസ്യഅന്വേഷണത്തിലാണ് ഇയാള്‍ പിടിയിലായത്.
Discussion about this post