കാശ്മീർ:,സോഷ്യൽ മീഡിയയിൽ ദേശവിരുദ്ധ ഉള്ളടക്കമുള്ള പോസ്റ്റ് പങ്കുവെച്ചുവെന്നാരോപിച്ച് കശ്മീരിൽ മാധ്യമപ്രവർത്തകൻ അറസ്റ്റിൽ. ‘ദി കശ്മീർ വാല’ എന്ന ഓൺലൈൻ പോർട്ടലിന്റെ എഡിറ്റർ ഫഹദ് ഷായാണ് അറസ്റ്റിലായത്.
തീവ്രവാദ പ്രവർത്തനങ്ങളെ പ്രകീർത്തിക്കുകയും നിയമപാലന സംവിധാനത്തിന് തടസ്സം വരുത്തുന്ന തരത്തിൽ സാധാരണ ജനങ്ങളിൽ ഭയം സൃഷ്ടിക്കുകയും ചെയ്യുന്നതാണ് ഫഹദ് ഷായുടെ പോസ്റ്റുകളെന്ന് പൊലീസ് പ്രസ്താവനയിൽ പറഞ്ഞു. ‘ അന്വേഷണം പുരോഗമിക്കവേ ഫഹദ് ഷാ എന്ന് പേരുള്ളയാളെ അറസ്റ്റ് ചെയ്തു. പ്രതി ഇപ്പോൾ പൊലീസ് റിമാൻഡിലാണ്. കൂടുതൽ അന്വേഷണം നടന്നു വരികയാണ്’ – പൊലീസ് പറഞ്ഞു.
Discussion about this post