ഇസ്ലാമാബാദ് : തന്റെ വാഹനത്തിന് നേരെ അജ്ഞാതര്‍ വെടിയുതിര്‍ത്തെന്ന ആരോപണവുമായി പാക് പ്രധാനമന്ത്രി ഇമ്രാന്‍ ഖാന്റെ മുന്‍ ഭാര്യ രെഹം ഖാന്‍. ഇതാണ് ഇമ്രാന്‍ ഖാന്റെ പുതിയ പാകിസ്താന്‍ എന്നും ഭീരുക്കളുടേതും തെമ്മാടികളുടേതും അത്യാഗ്രഹികളുടേതുമാണ് ഈ നാടെന്നും അവര്‍ ട്വിറ്ററില്‍ പരിഹസിച്ചു.
On the way back from my nephew’s marriage my car just got fired at & two men on a motorbike held vehicle at gunpoint!! I had just changed vehicles.
My PS & driver were in the car. This is Imran Khan’s New Pakistan? Welcome to the state of cowards, thugs & the greedy!!— Reham Khan (@RehamKhan1) January 2, 2022
ബന്ധുവിന്റെ വിവാഹച്ചടങ്ങുകളില്‍ പങ്കെടുത്ത് മടങ്ങുമ്പോള്‍ ആരോ തന്റെ വാഹനത്തിന് നേരെ നിറയൊഴിച്ചുവെന്നും മോട്ടോര്‍ ബൈക്കിലെത്തിയ രണ്ട് പേര്‍ തന്നെ തോക്കിന്‍ മുനയില്‍ നിര്‍ത്തിയെന്നുമായിരുന്നു രെഹത്തിന്റെ ട്വീറ്റ്. ശേഷം ഇതാണോ ഇമ്രാന്‍ ഖാന്റെ പുതിയ പാകിസ്താനെന്നും ഈ നാട് ഭീരുക്കളുടേതും അത്യാഗ്രഹികളുടേതും തെമ്മാടികളുടേതുമായിക്കഴിഞ്ഞിരിക്കുന്നുവെന്നും അവര്‍ പരിഹസിച്ചു.
You know me!! I would prefer a duel not a cowardly covert attempt. https://t.co/emYA0XUkQ2
— Reham Khan (@RehamKhan1) January 2, 2022
Also read : സ്ത്രീകളുടെ വിവാഹപ്രായം : ബില്‍ പരിശോധിക്കാനുള്ള കമ്മിറ്റിയില്‍ ആകെയുള്ളത് ഒരു സ്ത്രീ
സംഭവത്തില്‍ കടുത്ത നിരാശ രേഖപ്പെടുത്തിയ അവര്‍ സംഭവം നടന്ന് മണിക്കൂറുകള്‍ കഴിഞ്ഞിട്ടും എഫ്‌ഐആര്‍ പോലും രേഖപ്പെടുത്തിയിട്ടില്ലെന്ന് മറ്റൊരു ട്വീറ്റില്‍ അറിയിച്ചിരുന്നു.
Discussion about this post