നഷ്ടപ്രണയത്തെക്കുറിച്ചുള്ള ഹൃദയഹാരിയായ കുറിപ്പുമായി തെന്നിന്ത്യന്‍താരം സാമന്ത. ഇന്‍സ്റ്റഗ്രാമിലൂടെയാണ് താരം കുറിപ്പ് പങ്കിട്ടിരിക്കുന്നത്. നാഗചൈതന്യയുമായി വേര്‍പിരിയുകയാണെന്ന് ഔദ്യോഗികമായി പ്രഖ്യാപിച്ചതിനുശേഷം ഇത് ആദ്യമായാണ് താരം ചിത്രവും കുറിപ്പും പങ്കിട്ടിരിക്കുന്നത്. വെളുത്ത കോട്ടണ്‍ ഗൗണ്‍ ധരിച്ചുള്ള ചിത്രമാണ് സാമന്ത ആരാധകരുമായി പങ്കിട്ടത്.
ചിത്രത്തിനൊപ്പം പങ്കിട്ട കുറിപ്പ് താരം നിരാശയിലാണോ എന്ന ചോദ്യമാണ് ആരാധകരില്‍ നിന്നും ഉയരുന്നത്. 2017 ഒക്ടോബറിലാണ് തെന്നിന്ത്യന്‍ താരങ്ങളായ സമാന്തയും നാഗചൈതന്യയും വിവാഹിതരാകുന്നത്. നാലാം വിവാഹ വാര്‍ഷികത്തിന് ഏതാനും ദിവസങ്ങള്‍ മാത്രം ബാക്കിയുള്ളപ്പോഴാണ് തങ്ങള്‍ വേര്‍പിരിയുകയാണെന്ന വാര്‍ത്ത ഇരുവരും പുറത്തുവിട്ടത്.
താരത്തിന്റെ കുറിപ്പ് ഇങ്ങനെ;
‘നഷ്ടപ്രണയത്തിന്റെ ഗാനങ്ങള്‍…. പര്‍വതങ്ങളിലും പാറക്കെട്ടുകളിലും കുന്നിന്‍ ചരിവുകളിലും തഴുകിവരുന്ന തണുത്തു മരവിച്ച കാറ്റിന്റെ ശബ്ദം… നഷ്ടപ്പെട്ടതും തിരിച്ചുകിട്ടിയതുമായ ചിത്രങ്ങളുടെ പാട്ടുകള്‍… താഴ്‌വരയില്‍ അലയടിക്കുന്ന നഷ്ടപ്രണയത്തിന്റെ വിഷാദഗാനം… പഴയ ബംഗ്ലാവുകളുടെ പടവുകളിലും ഇടവഴികളിലും കാറ്റ് മുഴങ്ങുകയാണ്.
Discussion about this post