മലയാളത്തിലും തമിഴിലുമായി പ്രധാന വേഷങ്ങളിലെത്തി പ്രേക്ഷകരുടെ മനസിലേയ്ക്ക് ചേക്കേറിയ താരമാണ് നടി മുക്ത. സിനിമയില്‍ താരം ഇപ്പോള്‍ സജീവമല്ലെങ്കിലും ടെലിവിഷന്‍ സീരിയലുകളില്‍ മുക്ത അഭിനയിക്കുന്നുണ്ട്. ഇപ്പോള്‍ മകള്‍ കണ്‍മണി എന്ന കിയാരയും സിനിമാ രംഗത്തേയ്ക്ക് ചുവടുവെയ്ക്കുകയാണ്.
സുരാജ് വെഞ്ഞാറമൂടും ഇന്ദ്രജിത്തും പ്രധാന കഥാപാത്രങ്ങളായി എത്തുന്ന പത്താം വളവ് എന്ന ചിത്രത്തിലൂടെയാണ് കിയാര അരങ്ങേറ്റം കുറിക്കുന്നത്. എം. പത്മകുമാര്‍ ആണ് ചിത്രത്തിന്റെ സംവിധാനം. സംഗീതത്തിലും മോണോ ആക്ടിലും കഴിവ് തെളിയിക്കുന്ന കണ്‍മണി മുക്തയുടെ ഭര്‍തൃസഹോദരിയും ഗായികയുമായ റിമിടോമിയുടെ യൂട്യൂബ് ചാനലിലെ കുക്കറി ഷോകളിലും പ്രത്യക്ഷപ്പെടാറുണ്ട്.
മമ്മൂട്ടി നായകനായ ‘മാമാങ്ക’ത്തിനു ശേഷം എം പദ്മകുമാര്‍ ഒരുക്കുന്ന ചിത്രം കൂടിയാണ് ‘പത്താം വളവ്’. യുജിഎമ്മിന്റെ ബാനറില്‍ ഡോ: സക്കറിയ തോമസ്, ഗിജൊ കാവനാല്‍, ശ്രീജിത്ത് രാമചന്ദ്രന്‍, പ്രിന്‍സ് പോള്‍ എന്നിവരാണ് നിര്‍മ്മാണം. അഭിലാഷ് പിള്ളയുടേതാണ് ചിത്രത്തിന്റെ രചന.
Discussion about this post