ധന്‍ബാദ്: സ്ത്രീധനത്തെച്ചൊല്ലിയുള്ള തര്‍ക്കത്തില്‍ ജാര്‍ഖണ്ഡില്‍ യുവതിയെ ഭര്‍തൃവീട്ടുകാര്‍ ജീവനോടെ ചുട്ടെരിച്ചു. ഭര്‍തൃവീട്ടുകാരുടെ ആവശ്യങ്ങള്‍ നിറവേറ്റാന്‍ സാധിക്കാത്തതിനെ തുടര്‍ന്നാണ് നവവധുവിനെ ചുട്ടുകൊന്നതെന്ന് ആരോപിച്ച് യുവതിയുടെ കുടുംബം പരാതി നല്‍കി. ധന്‍ബാദ് ജില്ലയിലെ മധുഘോരാ ഗ്രാമത്തിലാണ് സംഭവം.
സ്ത്രീധനമായി ഒരു വീട് വേണമെന്ന് യുവതിയുടെ ഭര്‍ത്താവിന്റെ ബന്ധുക്കള്‍ ആവശ്യപ്പെട്ടിരുന്നു. വീട് കൂടാതെ മറ്റ് പല ആവശ്യങ്ങളും ഭര്‍തൃവീട്ടുകാര്‍ ഉന്നയിച്ചിരുന്നു. എന്നാല്‍ അതൊന്നും നിറവേറ്റാന്‍ യുവതിയുടെ കുടുംബത്തിന് കഴിഞ്ഞിരുന്നില്ല. ഇതിനെച്ചൊല്ലി ഭര്‍ത്താവും കുടുംബവും യുവതിയെ നിരന്തരം ഉപദ്രവിക്കാറുണ്ടായിരുന്നുവെന്നും ബര്‍വാഡ പോലീസ് പറഞ്ഞു.
ഇന്ത്യയില്‍ സ്ത്രീധനത്തെ ചൊല്ലിയുള്ള തര്‍ക്കത്തില്‍ വര്‍ഷത്തില്‍ 40 മുതല്‍ 50 ശതമാനം സ്ത്രീകളാണ് കൊല്ലപ്പെടുന്നതെന്ന് യുഎന്‍ പുറത്തുവിട്ട റിപ്പോര്‍ട്ടില്‍ വ്യക്തമാക്കുന്നു. 1961ലെ സ്ത്രീധന നിയമപ്രാകരം സ്ത്രീധനം വാങ്ങുന്നതും കൊടുക്കുന്നതും കുറ്റകരമാണ്.
Discussion about this post