മലയാള സിനിമയുടെ മസിൽ താരം ഉണ്ണിമുകുന്ദൻ നായകനായി പുറത്തിറങ്ങുന്ന ചിത്രം ‘മേപ്പടിയാന്റെ’ പുതിയ പോസ്റ്റർ പുറത്തിറങ്ങി. വിഷ്ണു മോഹൻ തിരക്കഥയെഴുതി സംവിധാനം ചെയ്യുന്ന ചിത്രമാണ് മേപ്പടിയാൻ. കുട വയറുമായി വ്യത്യസ്ത ലുക്കിലുള്ള ഉണ്ണി മുകുന്ദനാണ് പോസ്റ്ററിലുള്ളത്.
ജയകൃഷ്ണൻ എന്ന മെക്കാനിക്കിന്റെ കഥാപത്രമാണ് സിനിമയിൽ ഉണ്ണി മുകുന്ദൻ അവതരിപ്പിക്കുന്നത്. കഥാപാത്രത്തിന് വേണ്ടി ശരീര ഭാരം വർധിപ്പിച്ചിരുന്നു.
ഉണ്ണി മുകുന്ദൻ ഫിലിംസിന്റെ ബാനറിൽ ഉണ്ണി മുകുന്ദൻ തന്നെയാണ് ചിത്രം നിർമ്മിക്കുന്നത്. ഫാമിലി എന്റർടൈനർ ആയിട്ട് ഒരുങ്ങുന്ന മേപ്പടിയാനിൽ അഞ്ജു കുര്യനാണ് നായികയായി എത്തുന്നത്. ഇന്ദ്രൻസ്, കോട്ടയം രമേഷ്, സൈജു കുറുപ്പ്, അജു വർഗീസ്, കലാഭവൻ ഷാജോൺ, മേജർ രവി, ശങ്കർ രാമകൃഷ്ണൻ, ശ്രീജിത്ത് രവി, നിഷ സാരംഗ് തുടങ്ങിയവരും ചിത്രത്തിൽ വേഷമിടുന്നുണ്ട്.
#Meppadiyan second poster! 😊
Meppadiyan Movie
Posted by Unni Mukundan on Saturday, 13 February 2021
നീൽ ഡി കുഞ്ഞ ഛായാഗ്രഹണം നിർവഹിക്കുന്ന സിനിമയുടെ സംഗീതം നിർവ്വഹിച്ചിരിക്കുന്നത് രാഹുൽ സുബ്രമണ്യനാണ്. ഷമീർ മുഹമ്മദാണ് എഡിറ്റർ. ലൈൻ പ്രൊഡ്യൂസർ ഹാരിസ് ദേശം. ആനന്ദ് രാജേന്ദ്രനാണ് പോസ്റ്റർ ഡിസൈനിങ്. പ്രൊമോഷൻ കൺസൾട്ടന്റ് വിപിൻ കുമാർ.
Discussion about this post