കൊവിഡ് മുക്തി നേടി നടി അഹാന കൃഷ്ണകുമാര്. ഇന്സ്റ്റഗ്രാമിലൂടെയാണ് താരം ഇക്കാര്യം അറിയിച്ചത്. കുറച്ചു ദിവസം മുന്പാണ് പരിശോധന നടത്തിയതെന്നും താരം അറിയിച്ചിരുന്നു. ഇരുപതോളം ദിവസങ്ങള് നീണ്ട ക്വാറന്റൈനിനു ശേഷം ഇന്നാണ് താന് പുറത്തേയ്ക്ക് ഇറങ്ങിയതെന്നും താരം കുറിക്കുന്നു. പുറത്തിറങ്ങുന്ന ചിത്രവും താരം പങ്കുവെച്ചിട്ടുണ്ട്.
‘പോസിറ്റീവില് നിന്നും നെഗറ്റീവിലേക്കുള്ളത്, ശരിക്കും ഒരു യാത്ര തന്നെ ആയിരുന്നു. എല്ലാത്തിനുമൊടുവില് എനിക്ക് പറയാനുള്ളത് ഇത്രയുമാണ്- മാസ്ക് ധരിക്കുക, സാനിറ്റൈസര് ഉപയോഗിക്കുക, സാമൂഹിക അകലം പാലിക്കുക, ഒപ്പം നിങ്ങള്ക്ക് ചെയ്യാന് പറ്റുന്നതെല്ലാം ചെയ്യുക’, അഹാന കുറിച്ചു.
കൊവിഡ് പരിശോധന നടത്താനെത്തിയ ലാബ് ജീവനക്കാര്ക്കും ഈ ദിവസങ്ങളില് തന്റെ സൗഖ്യം അന്വേഷിച്ച അഭ്യുദയകാംക്ഷികള്ക്കും താരം നന്ദിയും അറിയിച്ചിട്ടുണ്ട്.
Discussion about this post