കൊച്ചി: നടിയെ അക്രമിച്ച കേസില്‍ കെബി ഗണേഷ്‌കുമാര്‍ എംഎല്‍എയുടെ സെക്രട്ടറി പ്രദീപ് കോട്ടത്തലയ്ക്ക് നോട്ടീസ്. കേസിലെ മാപ്പുസാക്ഷി വിപിന്‍ ലാലിനെ ഭീഷണിപ്പെടുത്തിയെന്ന കേസിലാണ് പോലീസ് നോട്ടീസ് അയച്ചിരിക്കുന്നത്. ചോദ്യംചെയ്യലിനായി ബേക്കല്‍ സ്റ്റേഷനില്‍ രണ്ട് ദിവസത്തിനകം ഹാജരാകാനാണ് പോലീസിന്റെ നിര്‍ദേശം.
സാക്ഷിയെ ഭീഷണിപ്പെടുത്താനും സ്വാധീനിക്കാനും പ്രത്യേക സിം കാര്‍ഡാണ് ഉപയോഗിച്ചത്. കുറ്റാലത്തെ ലോഡ്ജ് ബ്രോക്കറായ രത്നം സ്വാമിയുടെ പേരിലെടുത്ത അഞ്ച് സിം കാര്‍ഡുകളിലെന്നാണ് ഇതിനായി ഉപയോഗിച്ചത്. മനോജ് എന്നയാള്‍ക്കാണ് താന്‍ സിം കാര്‍ഡ് നല്‍കിയതെന്നാണ് രത്നത്തിന്റെ വിശദീകരണം.
സിം കാര്‍ഡിനുള്ള 250 രൂപയ്ക്ക് പുറമേ 180 രൂപ നല്‍കിയാണ് രത്നത്തില്‍ നിന്ന് മനോജ് സിം കാര്‍ഡ് വാങ്ങിയത്. ഈ സിം കാര്‍ഡാണ് ഗണേഷ്‌കുമാറിന്റെ സെക്രട്ടറി പ്രദീപിന് കിട്ടിയത്. കഴിഞ്ഞ ജനുവരി 28ന് ഈ നമ്പറില്‍ നിന്നാണ് വിപിന്‍ ലാലിനെ വിളിച്ച് മൊഴി മാറ്റാന്‍ ആവശ്യപ്പെട്ടിരിക്കുന്നത്. ഇതിന്റെ അടിസ്ഥാനത്തിലാണ് ചോദ്യം ചെയ്യലിനായി നോട്ടീസ് അയച്ചിരിക്കുന്നത്.
Discussion about this post