കോതമംഗലം: 55 ഗ്രാം മയക്കുമരുന്നുമായി ബിഡിഎസ് വിദ്യാര്‍ഥിനി പിടിയില്‍. പത്തനംതിട്ട കോന്നി പ്രമാടം വലിയകാലായില്‍ ശ്രുതിയാണ് എക്‌സൈസിന്റെ പിടിയിലായത്.
മൂന്നാം വര്‍ഷ വിദ്യാര്‍ത്ഥിനിയായ ശ്രുതി നെല്ലിക്കുഴിയില്‍ പേയിങ് ഗെസ്റ്റായി താമസിച്ചാണു പഠിക്കുന്നത്. നെല്ലിക്കുഴി കേന്ദ്രീകരിച്ചു വിദ്യാര്‍ത്ഥികള്‍ക്കിടയില്‍ ലഹരിവസ്തുക്കള്‍ വിതരണം ചെയ്യുന്നുണ്ടെന്ന രഹസ്യവിവരത്തെത്തുടര്‍ന്നു നടത്തിയ അന്വേഷണത്തിലാണു വിദ്യാര്‍ത്ഥിനിയെ താമസസ്ഥലത്തു നിന്നു പിടികൂടിയത്.
തൃശ്ശൂരുള്ള തന്റെ സുഹൃത്തായ വിനുവാണു ലഹരിവസ്തു നല്‍കിയതെന്ന് ശ്രുതി എക്‌സൈസിന് മൊഴി നല്‍കി. ഇയാളെ കണ്ടെത്താന്‍ എക്‌സൈസ് അന്വേഷണം ആരംഭിച്ചു. വിനുവിനെ കണ്ടെത്തിയാല്‍ ലഹരി മാഫിയയെ സംബന്ധിച്ചു കൂടുതല്‍ വിവരങ്ങള്‍ ലഭിക്കുമെന്ന് അന്വേഷണത്തിനു നേതൃത്വം നല്‍കുന്ന എക്‌സൈസ് ഇന്‍സ്‌പെക്ടര്‍ ടിഡി സജീവന്‍ പറഞ്ഞു.
Discussion about this post