‘ഉദാഹരണം സുജാത’ എന്ന ചിത്രത്തിലൂടെ വന്ന് പ്രേക്ഷകരുടെ ഹൃദയം കവര്‍ന്ന താരമാണ് അനശ്വര രാജന്‍. താരം കഴിഞ്ഞ ദിവസം സോഷ്യല്‍ മീഡിയയില്‍ പോസ്റ്റ് ചെയ്ത മോഡേണ്‍ ലുക്കിലുള്ള ഫോട്ടോയ്ക്ക് എതിരെ ചിലര്‍ വിമര്‍ശനവുമായി രംഗത്ത് എത്തിയിരുന്നു. എന്നാലിപ്പോള്‍ വിമര്‍ശകര്‍ക്ക് മറുപടിയുമായി എത്തിയിരിക്കുകയാണ് അനശ്വര.
മോഡേണ്‍ ലുക്കിലുള്ള മറ്റൊരു ഫോട്ടോകൂടി ഷെയര്‍ ചെയ്താണ് താരം വിമര്‍ശകര്‍ക്ക് മറുപടി നല്‍കിയിരിക്കുന്നത്. ‘ഞാന്‍ എന്തു ചെയ്യുന്നുവെന്ന് ഓര്‍ത്ത് നിങ്ങള്‍ ആശങ്കപ്പെടേണ്ട കാര്യമില്ല. എന്റെ ചെയ്തികള്‍ നിങ്ങളെ അസ്വസ്ഥരാക്കുന്നതെന്തിന് എന്ന് ഓര്‍ത്ത് നിങ്ങള്‍ ആശങ്കപ്പെടുവിന്‍’ എന്ന അടിക്കുറിപ്പോടെയാണ് അനശ്വര ഫോട്ടോ ഷെയര്‍ ചെയ്തിരിക്കുന്നത്.
Discussion about this post