മലപ്പുറം: കൊവിഡ് വ്യാപനം വര്ധിക്കുന്നതിന്റെ അടിസ്ഥാനത്തില് മലപ്പുറം തിരൂരില് കടുത്ത നിയന്ത്രണങ്ങള് ഏര്പ്പെടുത്തി. വൈറസ് വ്യാപനത്തിന്റെ പശ്ചാത്തലത്തില് തിരൂരില് മീന് മാര്ക്കറ്റ് അടയ്ക്കാന് നിര്ദ്ദേശം നല്കി.
മാര്ക്കറ്റിലെ തൊഴിലാളികള്ക്ക് പരിശോധന നടത്തും. പെരിന്തല്മണ്ണയിലെ മത്സ്യമൊത്ത വ്യാപാര കേന്ദ്രവും അടയ്ക്കും. കൊണ്ടോട്ടിയില് മത്സ്യ മൊത്തവിതരണ കേന്ദ്രം അടച്ചു. കൊയിലാണ്ടിയില് നിന്ന് മത്സ്യവുമായെത്തിയ ആള്ക്ക് രോഗം സ്ഥിരീകരിച്ച സാഹചര്യത്തിലാണ് നടപടി.
മലപ്പുറത്ത് ഇതുവരെ രോഗബാധ സ്ഥിരീകരിച്ചത് 1,240 പേര്ക്കാണ്. 1,132 പേര് പ്രത്യേക നിരീക്ഷണത്തില് കഴിയുകയാണ്. ആകെ നിരീക്ഷണത്തിലുള്ളത് 40,930 പേരാണ്.
Discussion about this post