തിരുവനന്തപുരം: സ്വന്തം നഗ്നശരീരത്തില് കുട്ടികളേക്കൊണ്ട് ചിത്രം വരപ്പിച്ചതിന് ആക്ടിവിസ്റ്റ് രഹന ഫാത്തിമയ്ക്കെതിരെ കേസ്. ഐടി ആക്ട് പ്രകാരമാണ് കേസെടുത്തിരിക്കുന്നത്. ജാമ്യമില്ലാ വകുപ്പുകള് ചേര്ത്താണ് കേസെടുത്തിരിക്കുന്നത്. വീഡിയോ സോഷ്യല് മീഡിയയില് വിവാദമായതിന് പിന്നാലെയാണ് നടപടി.
‘ബോഡിആര്ട്സ് ആന്ഡ് പൊളിറ്റിക്സ്’ എന്ന തലക്കെട്ടില് രഹന ഫാത്തിമ തന്റെ യൂട്യൂബ് ചാനലിലൂടെയാണ് വീഡിയോ പുറത്തുവിട്ടത്. സെക്ഷ്വലി ഫ്രസ്ട്രേറ്റഡ് ആയ സമൂഹത്തില് കേവലം വസ്ത്രങ്ങള്ക്കുള്ളില് സ്ത്രീ സുരക്ഷിതയല്ല. സ്ത്രീശരീരം എന്താണെന്നും ലൈംഗീകത എന്താണെന്നും തുറന്നു പറയുകയും കാട്ടുക തന്നെയും വേണം. അത് വീട്ടില് നിന്ന് തന്നെ തുടങ്ങിയാലേ സമൂഹത്തില് മാറ്റങ്ങള് കൊണ്ടുവരാന് കഴിയൂ . (കണ്ണിന് അസുഖം വന്ന് റസ്റ്റ് ചെയ്യുന്ന സമയത്ത് സ്വന്തം അമ്മയെ കൂള് ആക്കാന് മക്കള് ശരീരത്തില് ഒരു ഫീനിക്സ് പക്ഷിയെ വരച്ചു കൊടുക്കുന്നതാണ് വീഡിയോയില്) – എന്നായിരുന്നു വീഡിയോ പങ്കുവെച്ച് രഹ്ന കുറിച്ചത്.
കുട്ടികളെ വീഡിയോയില് ഉപയോഗിച്ചതിനെതിരെ സമൂഹമാധ്യമങ്ങളില് വിമര്ശനങ്ങള് ശക്തമായിരുന്നു. രഹനക്കെതിരെ പോക്സോ കേസെടുക്കണമെന്ന ആവശ്യവും ഉയര്ന്നിരുന്നു.
Discussion about this post