കുവൈറ്റ്: കുവൈറ്റില്‍ കൊറോണ വൈറസ് ബാധിച്ച് യുവതിയടക്കം രണ്ട് പേര്‍ മരിച്ചു. ഉഷാ മുരുകന്‍(42), അജ്മല്‍ സത്താര്‍ (39) എന്നിവരാണ് മരിച്ചത്. കൊറോണ ബാധിച്ചതിനെ തുടര്‍ന്ന് ആശുപത്രിയില്‍ ചികിത്സയില്‍ കഴിയുന്നതിനിടെയാണ് മരണം സംഭവിച്ചത്.
കൊല്ലം പറവൂര്‍ കറുമണ്ടല്‍ സ്വദേശിയാണ് കല്ലുംകുന്ന് വീട്ടില്‍ ഉഷാ മുരുകന്‍. കൊറോണ വൈറസ് ബാധയെ തുടര്‍ന്ന് ഒരാഴ്ചയായി ഫര്‍വാനിയ ആശുപത്രിയില്‍ ചികിത്സയിലായിരുന്നു. ഭര്‍ത്താവ്: സതീശന്‍ (കുവൈറ്റ്). മക്കള്‍ കാര്‍ത്തികേയന്‍, ഉദയ ലക്ഷ്മി
കോഴിക്കോട് കുന്ദമംഗലം, ചെറൂപ്പ, കുറ്റിക്കടവ് സ്വദേശിയാണ് നാല് കണ്ടത്തില്‍ കൊളങ്ങോട്ട് അജ്മല്‍ സത്താര്‍. കൊറോണ ലക്ഷണങ്ങളോടെ ആശുപത്രിയില്‍ പ്രവേശിപ്പിച്ച അജ്മല്‍ സത്താറിന് പിന്നീട് വൈറസ് ബാധ സ്ഥിരീകരിക്കുകയായിരുന്നു. തുടര്‍ന്ന് അമീരി ആശുപത്രിയില്‍ ചികിത്സയില്‍ കഴിയുന്നതിനിടെയാണ് മരണം സംഭവിച്ചത്.
പിതാവ്: എന്‍ കെ സി മുഹമ്മദ്. മാതാവ്: ഫാതിമ മുണ്ടുമുഴി.ഭാര്യ: ജാസിറ ഐക്കരപ്പടി. മക്കള്‍: അജ് വദ്, അജിയ്യ. സഹോദരങ്ങള്‍: അബ്ദുല്‍ സലാം, ഷഹീര്‍, ശബ്‌ന. കഴിഞ്ഞ 24 മണിക്കൂറിനിടെ കൊറോണ ചികിത്സയില്‍ കഴിഞ്ഞിരുന്ന മൂന്നു മലയാളികളാണ് കുവൈറ്റില്‍ മരിച്ചത്. ഇതോടെ കുവൈറ്റില്‍ കൊറോണ മൂലം മരിച്ച മലയാളികളുടെ എണ്ണം 38 ആയി
Discussion about this post