ഹൈദരാബാദ്: കൊവിഡ് പ്രതിരോധ പ്രവര്‍ത്തനങ്ങള്‍ക്ക് എംപി ഫണ്ടില്‍ നിന്നും പ്രധാനമന്ത്രിയുടെ ദുരിതാശ്വാസ നിധിയിലേക്ക് ഒരു കോടി രൂപ സംഭാവന ചെയ്ത നടി സുമലത അംബരീഷിനെ അഭിനന്ദിച്ച് നടി ഖുശ്ബു രംഗത്ത്. നിങ്ങള്‍ക്ക് വലിയൊരു ഹൃദയമുണ്ട്, നിങ്ങളൊരു മാതൃകയാവുകയാണ്’ എന്ന് സുമലതയെ അഭിനന്ദിച്ചുകൊണ്ട് ഖുശ്ബു ട്വിറ്ററില്‍ കുറിച്ചു.
കൊവിഡും ലോക് ഡൗണും പൊതുജനത്തെ ആകെ തളര്‍ത്തിയിരിക്കുകയാണ്. ഈ സാഹചര്യത്തില്‍ പ്രതിരോധ പ്രവര്‍ത്തനങ്ങള്‍ക്കായി കോടിക്കണക്കിന് രൂപയാണ് ആവശ്യമായി വരുന്നത്. പൊതുജനങ്ങളോട് സംഭാവന നല്‍കണമെന്ന് പ്രധാനമന്ത്രിയും ആവശ്യപ്പെട്ടിരുന്നു. നിരവധി പേരാണ് ദുരിതാശ്വാസ നിധിയിലേക്ക് സംഭാവന ചെയ്തുകൊണ്ടിരിക്കുന്നത്. അതിനിടെയാണ് നടിയും എംപിയുമായ സുമലതയും ഒരു വന്‍തുക നല്‍കിയത്.
”ഒരു തരത്തിലുള്ള നിര്‍ബന്ധത്തിന്റെയും രാഷ്ട്രീയത്തിന്റെയും പുറത്തല്ല. എല്ലാവരും വീടുകളില്‍ തന്നെ തുടരുക, ഒരു പൗരനെന്ന രീതിയില്‍ സമൂഹത്തിനായി ചെയ്യേണ്ട കാര്യം മറക്കാതിരിക്കുക” സുമലത പറഞ്ഞു. ഇതിന് പിന്നാലെയാണ് സുമലതയെ അഭിനന്ദിച്ച് കൊണ്ട് ഖുശ്ബു രംഗത്തെത്തിയത്. ഖുശ്ബുവിന് സുമലത നന്ദി അറിയിക്കുകയും ചെയ്തിട്ടുണ്ട്.
Discussion about this post