തൃശ്ശൂർ: കൊറോണ വൈറസ് ബാധ തടയാനായി അക്ഷീണം പ്രയത്‌നിക്കുന്ന കേരളത്തിലെ ആരോഗ്യപ്രവർത്തകർക്കും ആരോഗ്യമന്ത്രി കെകെ ശൈലജയ്ക്കും തെിരായ പ്രതിപക്ഷത്തിന്റെ വാദങ്ങളെ തേച്ചൊട്ടിച്ച് സോഷ്യൽമീഡിയ. മന്ത്രി കെകെ ശൈലജയെ വിമർശിച്ച പ്രതിപക്ഷത്തിന്റെ വായടപ്പിച്ചാണ് നടൻ അനൂപ് മേനോൻ അടക്കമുള്ളവർ രംഗത്തെത്തിയിരിക്കുന്നത്. കോവിഡ് 19നെതിരെ പൊരുതാൻ നേതൃത്വം നൽകുന്ന ആരോഗ്യമന്ത്രിക്ക് അഭിവാദ്യം അർപ്പിച്ചാണ് അനൂപ് മേനോൻ ഫേസ്ബുക്കിൽ പോസ്റ്റ് ചെയ്തിരിക്കുന്നത്.
ആരോഗ്യമന്ത്രിക്ക് മീഡിയ മാനിയയാണെന്ന പ്രതിപക്ഷ നേതാവ് രമേശ് ചെന്നിത്തലയ്ക്ക് മറുപടിയായി ആരാധന തോന്നുന്ന ഒരു നേതാവാണ് ശൈലജ ടീച്ചറെന്ന് ഫേസ്ബുക്കിൽ അനൂപ് മേനോൻ കുറിച്ചു. ഇതുപോലുള്ള നേതാക്കൾ ഇനിയുമുണ്ടാകണമെന്നാണ് ആഗ്രഹമെന്നും അമിതമായ സംസാരം, അനാവശ്യമായ ഇടപെടലുകൾ ഇവയൊന്നുമില്ലാത്ത മന്ത്രി വാക്കുകൾ വളച്ചൊടിക്കാറില്ലെന്നും അദ്ദേഹം കുറിച്ചു. മാരകരോഗത്തെ നേരിടുമ്പോൾ രാഷ്ട്രീയപരമായ അവസരവാദവും മന്ത്രിക്കില്ല, ശുദ്ധവും സുതാര്യവുമായ രാഷ്ട്രീയസേവനത്തോടെ ടീച്ചർ ഇനിയും കേരളത്തെ നയിക്കണമെന്നും അനൂപ് മേനോൻ കുറിച്ചിട്ടുണ്ട്.
നേരത്തെ പ്രതിപക്ഷ നേതാവിന്റെ വിമർശനത്തിന് പിന്നാലെ നിരവധി പ്രമുഖർ മന്ത്രിയെ അഭിനന്ദിച്ച് രംഗത്തെത്തിയിരുന്നു.
Discussion about this post