കോഴിക്കോട്: സംസ്ഥാനത്ത് ഒന്നാം തീയതി മദ്യശാല തുറക്കുന്ന കാര്യത്തില്‍ തീരുമാനമായില്ലെന്ന് എക്‌സൈസ് മന്ത്രി ടിപി രാമകൃഷ്ണന്‍. മാര്‍ച്ചില്‍ പുതിയ മദ്യനയം പ്രഖ്യാപിക്കുന്ന ഘട്ടത്തില്‍ മാത്രമെ ഇത്തരം കാര്യങ്ങള്‍ പരിഗണിക്കൂ എന്ന് ടിപി രാമകൃഷ്ണന്‍ വ്യക്തമാക്കി.
സംസ്ഥാനത്ത് വിദേശമദ്യവില്‍പ്പനയ്ക്കുള്ള ഒന്നാംതീയതിയിലെ വിലക്ക് നീക്കുന്നു എന്ന വാര്‍ത്ത സോഷ്യല്‍ മീഡിയയില്‍ വ്യാപകമായി പ്രചരിക്കുന്നുണ്ട്. ഈ സാഹര്യത്തിലാണ് മന്ത്രിയുടെ പ്രതികരണം. ഒന്നാം തീയതി മദ്യശാല തുറക്കുന്ന കാര്യത്തില്‍ നിലവില്‍ തീരുമാനമായിട്ടില്ലെന്ന് ടിപി രാമകൃഷ്ണന്‍ വ്യക്തമാക്കിയത്.
ശമ്പളദിവസം കണക്കിലെടുത്താണ് പ്രധാനമായും ഒന്നാംതീയതി ഡ്രൈ ഡേ ആക്കിയത്. ഇകെ നായനാര്‍ സര്‍ക്കാരില്‍, ടി. ശിവദാസമേനോന്‍ എക്‌സൈസ് മന്ത്രിയായിരിക്കേയായിരുന്നു ഇത്തരമൊരു തീരുമാനം എടുത്തത്.
Discussion about this post