കണ്ണൂര്‍: കണ്ണൂര്‍ പുതിയ തെരുവില്‍ നടുറോഡില്‍ വെച്ച് ബസ് ജീവനക്കാരുടെ തമ്മില്‍തല്ല്. സമയത്തെച്ചൊല്ലിയുള്ള തര്‍ക്കമാണ് സംഘര്‍ഷത്തിന് കാരണം. പുതിയ തെരു കാട്ടാമ്പള്ളി റൂട്ടിലോടുന്ന കെഎംഎസ് ബസിലേയും എക്‌സോട്ടിക്ക ബസിലേയും ജീവനക്കാര്‍ തമ്മിലാണ് സംഘര്‍ഷം ഉണ്ടായത്.
ബസുകള്‍ മുന്നിലും പിന്നിലുമായി നിര്‍ത്തി നാട്ടുകാരേയും യാത്രക്കാരേയും കാഴ്ചക്കാരാക്കി ആയിരുന്നു സംഘര്‍ഷം. പത്ത് മിനിറ്റോളം ജീവനക്കാര്‍ തമ്മിലുള്ള സംഘര്‍ഷം തുടര്‍ന്നു.
സംഭവത്തില്‍ നാല് ബസ് ജീവനക്കാര്‍ക്കെതിരെ പോലീസ് കേസെടുത്തു. കാട്ടാമ്പള്ളി റൂട്ടില്‍ സമയത്തെച്ചൊല്ലിയുള്ള ബസ് ജീവനക്കാരുടെ പോര്‍വിളിയും തര്‍ക്കവും പതിവാണെന്ന് നാട്ടുകാര്‍ പറഞ്ഞു.
Discussion about this post