തിരുവനന്തപുരം: ഇരുപത്തിനാലാമത് കേരളാ രാജ്യാന്തര ചലച്ചിത്രമേളയില്‍ മത്സരവിഭാഗത്തില്‍ ഇടംപിടിച്ച് ലിജോ ജോസ് പെല്ലിശ്ശേരിയുടെ ‘ജല്ലിക്കട്ട്’. ലിജോയുടെ ചിത്രത്തിന് പുറമെ കൃഷന്ദ് ആര്‍കെയുടെ ‘വൃത്താകൃതിയിലുള്ള ചതുരം’ ആണ് അന്തര്‍ദേശീയ മത്സരവിഭാഗത്തില്‍ ഇടംപിടിച്ച മറ്റൊരു മലയാളസിനിമ.
ചലച്ചിത്രമേളയിലേക്ക് തെരഞ്ഞെടുക്കപ്പെട്ട ഇന്ത്യന്‍ സിനിമകളുടെ ലിസ്റ്റും പുറത്തുവിട്ടിട്ടുണ്ട്. ‘ഇന്ത്യന്‍ സിനിമ ഇപ്പോള്‍’, ‘മലയാളം സിനിമ ഇപ്പോള്‍’ എന്നീ രണ്ട് വിഭാഗങ്ങളില്‍ ഇടംപിടിച്ചിട്ടുള്ള സിനിമകളും ഈ രണ്ട് വിഭാഗങ്ങളില്‍ നിന്ന് അന്തര്‍ദേശീയ മത്സരവിഭാഗത്തിലേക്ക് ഇടംപിടിച്ച സിനിമകളും ലിസ്റ്റില്‍ ഉണ്ട്.
ഫഹിം ഇര്‍ഷാദിന്റെ ‘ആനി മാണി’, റാഹത്ത് കസാമി ഒരുക്കിയ ‘ലിഹാഫി ദി ക്വില്‍റ്റ്’ എന്നിവയാണ് ഹിന്ദിയില്‍ നിന്നും മത്സരവിഭാഗത്തില്‍ ഇടംപിടിച്ച ചിത്രങ്ങള്‍. ഡിസംബര്‍ 6 മുതല്‍ 12 വരെയാണ് കേരളാ രാജ്യാന്തര ചലച്ചിത്രമേള നടക്കുന്നത്.
ഇന്ത്യന്‍ സിനിമ ഇന്ന് വിഭാഗത്തില്‍ ഇടംപിടിച്ച സിനിമകള്‍ ഇവയൊക്കെയാണ്,
1.ആനന്ദി ഗോപാല്‍ (സംവിധാനം: സമീര്‍ വിദ്വന്‍സ്, മറാത്തി) 2.അക്സണ്‍ നിക്കോളാസ് (ഖര്‍കോംഗോര്‍, ഹിന്ദി-ഇംഗ്ലീഷ്) 3.മയി ഖട്ട്: ക്രൈം നമ്പര്‍ 103/ 2005 (ആനന്ദ് മഹാദേവന്‍, മറാത്തി) 4.ഹെല്ലാറോ (അഭിഷേക് ഷാ, ഗുജറാത്തി) 5.മാര്‍ക്കറ്റ് (പ്രദീപ് കുര്‍ബാ, ഖാസി) 6.ദി ഫ്യുണെറല്‍ (സീമ പഹ്വ, ഹിന്ദി) 7.വിത്തൗട്ട് സ്ട്രിംഗ്സ് (അതനു ഘോഷ്, ബംഗാളി)
‘മലയാളസിനിമ ഇന്ന്’ എന്ന വിഭാഗത്തില്‍ ഇടംപിടിച്ച ചിത്രങ്ങള്‍,
1.പനി (സന്തോഷ് മണ്ടൂര്‍) 2.ഇഷ്‌ക് (അനുരാജ് മനോഹര്‍) 3.കുമ്പളങ്ങി നൈറ്റ്സ് (മധു സി നാരായണന്‍) 4. സൈലന്‍സര്‍ (പ്രിയനന്ദനന്‍) 5.വെയില്‍മരങ്ങള്‍ (ഡോ. ബിജു) 6.വൈറസ് (ആഷിക് അബു) 7.രൗദ്രം (ജയരാജ്) 8.ഒരു ഞായറാഴ്ച (ശ്യാമപ്രസാദ്) 9.ആന്‍ഡ് ദി ഓസ്‌കര്‍ ഗോസ് ടു (സലിം അഹമ്മദ്) 10.ഉയരെ (മനു അശോകന്‍) 11.കെഞ്ചിറ (മനോജ് കാന) 12.ഉണ്ട (ഖാലിദ് റഹ്മാന്‍)
Discussion about this post