Posted by
Story Dated : November 22, 2013 , 5:02 pm

തിരുവനന്തപുരം: കേരള ജൈവവൈവിധ്യ ബോര്‍ഡ് കസ്തൂരിരംഗന്‍ റിപ്പോര്‍ട്ടിന്റെ മലയാള പരിഭാഷ പുറത്തിറക്കി. ബോര്‍ഡിന്റെ വെബ്‌സൈറ്റില്‍ റിപ്പോര്‍ട്ടിന്റെ പൂര്‍ണ്ണ രൂപം ലഭ്യമാണ്. കസ്തൂരിരംഗന്‍ റിപ്പോര്‍ട്ടിനെതിരെ സംസ്ഥാനത്ത് വ്യാപകമായ പ്രതിഷേധങ്ങള്‍ നടക്കുകയാണിപ്പേള്‍. എന്നാല്‍ റിപ്പോര്‍ട്ടിനെ കുറിച്ച് വ്യക്തമായ അറിവ് ഇല്ലാത്തതിനാലാണ് ജനങ്ങള്‍ ആശങ്കപ്പെടുന്നതെന്നായിരുന്നു സര്‍ക്കാരിന്റെ നിലപാട്. നവംബര്‍ പതിനാറാം തീയതി ഇറക്കിയ കേന്ദ്ര വനം പരിസ്ഥിതി മന്ത്രാലയത്തിന്റെ മെമ്മോറാന്‍ഡത്തില്‍ ഓഫീസ് നിര്‍മ്മാണ ഘട്ടത്തിന്റെ മലയാളം പകര്‍പ്പുണ്ട്.  ഈ കരട് നോട്ടിഫിക്കേഷന്‍ പൊതുജന മധ്യത്തില്‍ അവതരിപ്പിച്ച് ബന്ധപ്പെട്ടവരുടെ എല്ലാവരുടെയും അഭിപ്രായങ്ങള്‍ക്കും കാഴ്ചപ്പാടുകള്‍ക്കും വിധേയമായി റിപ്പോര്‍ട്ട് അന്തിമമായി രേഖപ്പെടുത്തും എന്നും ഓഫീസ് മെമ്മോറാന്‍ഡത്തില്‍ പറയുന്നു.
പാറഖനനം, മണല്‍ ഖനനം, താപോര്‍ജ നിലയങ്ങള്‍, 20,000 ചതുരശ്ര മീറ്ററും അതിലേറെയുമുള്ള കെട്ടിട നിര്‍മ്മാണങ്ങള്‍, റെഡ് കാറ്റഗറി വ്യവസായങ്ങള്‍ എന്നിവ സംബന്ധിച്ചുള്ള അപേക്ഷകള്‍, പരിസ്ഥിതി മൃദുല പ്രദേശങ്ങളെ സംബന്ധിച്ച് പുനപരിശോധിക്കുകയും അവ നിരസിക്കുകയും ചെയ്യുമെന്ന് മെമ്മോറാന്‍ഡത്തില്‍ പറയുന്നു. ഇപ്പോള്‍ പുറത്തിറക്കിയിരിക്കുന്ന റിപ്പോര്‍ട്ടിന്റെ മലയാളം പരിഭാഷ വായിച്ചു നോക്കി ജനങ്ങള്‍ക്ക് അഭിപ്രായം രേഖപ്പെടുത്താം എന്നും സംസ്ഥാന സര്‍ക്കാര്‍ നിര്‍ദേശിച്ചിട്ടുണ്ട്. കസ്തൂരിരംഗന്‍ റിപ്പോര്‍ട്ടിന്റെ മലയാള പരിഭാഷക്ക് ഇവിടെ ക്ലിക്ക് ചെയ്യൂ..

http://keralabiodiversity.org/images/news/hlwg.pdf

 

 

0 0 739 22 November, 2013 Kerala November 22, 2013

Facebook Comments

RELATED POSTS

Latest News