I will take back entire Kashmir from India: Bilawal Bhutto Zardari
Posted by
20 September

ഇന്ത്യയില്‍ നിന്ന് കാശ്മീര്‍ തിരിച്ചു പിടിക്കുമെന്ന് ബിലാവല്‍ ഭൂട്ടോ

ഇസ്ലാമാബാദ്: ഇന്ത്യയില്‍ നിന്ന് കാശ്മീര്‍ തിരിച്ചു പിടിക്കുമെന്ന് പാകിസ്ഥാന്‍ പീപ്പിള്‍സ് പാര്‍ട്ടിയുടെ ചെയര്‍മാനും പാകിസ്ഥാന്‍ മുന്‍ പ്രധാനമന്ത്രി ബേനസീര്‍ ഭൂട്ടോയുടെ മകനുമായ ബിലാവല്‍ ഭൂട്ടോ. കാശ്മീരിന്റെ മുഴുവന്‍ ഭാഗവും ഇന്ത്യയില്‍ നിന്ന് തിരിച്ചെടുക്കും. ഒരു ചെറിയ ഇഞ്ചുപോലും ഇന്ത്യക്ക് വിട്ടു നല്‍കില്ലെന്നും മറ്റുള്ള പ്രവിശ്യകളെപ്പോലെ തന്നെ കാശ്മീരും പാകിസ്ഥാന്റെ അവിഭാജ്യ ഘടകമാണെന്നും അദ്ദേഹം പറഞ്ഞു. പഞ്ചാബിലെ മുള്‍ട്ടാനില്‍ പാര്‍ട്ടി വക്താക്കളെ അഭിസംബോധന ചെയ്തു സംസാരിക്കവേയാണ് അദ്ദേഹം ഇക്കാര്യം പറഞ്ഞത്.

BJP names 47 candidates for Haryana Assembly polls
Posted by
21 September

ഹരിയാന നിയമസഭാ തെരഞ്ഞെടുപ്പ് : ബിജെപി സ്ഥാനാര്‍ഥികളെ പ്രഖ്യാപിച്ചു

ന്യൂഡല്‍ഹി: ഹരിയാന നിയമസഭാ തെരഞ്ഞെടുപ്പിലേക്കുള്ള ബിജെപി സ്ഥാനാര്‍ഥികളെ പ്രഖ്യാപിച്ചു. 47 നിയോജകമണ്ഡലങ്ങളിലെ സ്ഥാനാര്‍ഥികളെയാണ് ബിജെപി കേന്ദ്ര തെരഞ്ഞെടുപ്പ് കമ്മറ്റി പ്രഖ്യാപിച്ചത്. ഒക്ടോബര്‍ 15 നാണ് ഹരിയാന നിയമസഭാ തെരഞ്ഞെടുപ്പ് നടക്കുക. വനിതകള്‍ക്കും യുവാക്കള്‍ക്കും മുന്‍ഗണന നല്‍കിയാണ് സ്ഥാനാര്‍ഥികളെ നിശ്ചയിച്ചിരിക്കുന്നതെന്ന് ബിജെപി നേതാവ് ജെപി നഡ്ഡ പറഞ്ഞു. അരുണാചല്‍ പ്രദേശ്, മണിപ്പൂര്‍, നാഗാലാന്‍ഡ്, ഗുജറാത്തിലെ രാജ്‌കോട്ട് വെസ്‌റ് എന്നിവിടങ്ങളിലേ നിയമസഭാ സീറ്റുകളിലേക്ക് നടക്കുന്ന ഉപതെരഞ്ഞെടുപ്പിലെ സ്ഥാനാര്‍ഥികളെയും ബിജെപിയുടെ തെരഞ്ഞെടുപ്പ് കമ്മറ്റി പ്രഖ്യാപിച്ചിട്ടുണ്ട്.

LDF meeting today
Posted by
21 September

എല്‍ഡിഎഫ് നേതൃയോഗം ഇന്ന്

തിരുവനന്തപുരം: വര്‍ധിപ്പിച്ച നികുതി വര്‍ധിപ്പിക്കാനുളള സര്‍ക്കാര്‍ തീരുമാനത്തിനെതിരെ എല്‍ഡിഎഫ് നേതൃയോഗം ഇന്ന് തിരുവനന്തുപരത്ത് ചേരും. നികുതി വര്‍ദ്ധിപ്പിക്കാനുള്ള സര്‍ക്കാര്‍ തീരുമാനത്തിനെതിരെ സമരപരിപാടികള്‍ ആസൂത്രണം ചെയ്യുകയാണ് യോഗത്തിന്റെ മുഖ്യഅജണ്ട. വര്‍ദ്ധിപ്പിച്ച നികുതികള്‍ അടക്കേണ്ടെന്ന് സിപിഐ(എം) ജനങ്ങളോട് ആഹ്വാനം ചെയ്തിരുന്നു. ഈ നിര്‍ദേശം മുന്നണിയുടെ പൊതുതീരുമാനമായി മാറ്റിയേക്കും. നികുതി ബഹിഷ്‌കരണത്തിന് പുറമെ മറ്റ് സമരപരിപാടികളെക്കുറിച്ചും യോഗത്തില്‍ ആലോചിക്കും. പെന്‍ഷന്‍ പ്രായം വര്‍ദ്ധിപ്പിക്കാനുള്ള നീക്കത്തിനെതിരെ യുവജന സംഘടനകളെ സമരരംഗത്തിറക്കാന്‍ നേതൃതലത്തില്‍ ധാരണയായിട്ടുണ്ട്. രാവിലെ 11 മണിക്ക് എകെജി സെന്ററിലാണ് എല്‍ഡിഎഫ് യോഗം.

Posted by
20 September
Story Dated : September 20, 2014 , 6:46 pm

തമിഴകത്തിന്റെ ചിമ്പുവും ഒരു യുവനടിയും തമ്മിലുള്ള ചുംബന വീഡിയോ വൈറലാകുന്നു. ഇത്തവണ ചിമ്പുവിനൊപ്പമുള്ളത് നയന്‍താരയോ, ഹന്‍സികയോ അല്ല ഇതു പുതിയ കന്നഡ നടി കന്നഡ സുന്ദരി ഹര്‍ഷിക പൂനച്ചയാണ്. എന്തായാലും ചിമ്പുവും ഒരു യുവനടിയും

0 0 16 more
Posted by
20 September
Story Dated : September 20, 2014 , 12:43 pm

നാലപ്പാടന്‍ പുസ്‌കാരം എംടിക്ക് ലഭിച്ചു. നാലപ്പാടന്‍ സ്മാരക സാംസ്‌കാരിക സമിതി ഏര്‍പ്പെടുത്തിയ സമഗ്ര സംഭാവനാ പുരസ്‌കാരമാണ് എംടി വാസുദേവന്‍ നായര്‍ക്ക് ലഭിച്ചത്. 10,001 രൂപയും പ്രശസ്തി പത്രവും ഫലകവുമടങ്ങുന്ന പുരസ്‌കാരം പുന്നയൂര്‍ക്കുളത്ത്  നാലപ്പാട്ട് നാരായണമേനോന്റെ

0 0 18 more

Weird

Posted by
21 September
Story Dated : September 21, 2014 , 9:10 am

ഇഞ്ചിയോണ്‍: ഏഷ്യാഡ് ഷൂട്ടിംഗില്‍ ഇന്ത്യയ്ക്ക് ഒരു വെങ്കലം കൂടി. പുരുഷന്‍മാരുടെ 10 മീറ്റര്‍ എയര്‍പിസ്‌റളില്‍ ഇന്ത്യന്‍ ടീം വെങ്കലം നേടി. ഈ ഇനത്തില്‍ ഇന്ത്യ സ്വര്‍ണം പ്രതീക്ഷിച്ചിരുന്നെങ്കിലും മൂന്നാമതാകുകയായിരുന്നു. ദക്ഷിണ കൊറിയക്കാണ് സ്വര്‍ണം. ചൈന

0 0 16 more
Posted by
20 September
Story Dated : September 20, 2014 , 10:01 am

കുട്ടികള്‍ക്കായി ഒരു ടാബ് ലെറ്റുമായി ആമസോണ്‍ രംഗത്ത്. ആമസോണ്‍ കിന്‍ഡില്‍ ഫയര്‍ എച്ച്ഡി കിഡ്‌സ് എഡിഷനാണ് ഇപ്പോള്‍ ആമസോണ്‍ ഇറക്കിയിരിക്കുന്നത്. ആറിഞ്ച്, ഏഴിഞ്ച് എന്നീ വലിപ്പങ്ങളിലാണ് കുട്ടികള്‍ക്കായി ഈ ടാബ് എത്തുന്നത്. ഗോറില്ല ഗ്ലാസ് സംരക്ഷണം

0 0 29 more
  • “നികുതി നിരക്കുകള്‍ വര്‍ധിപ്പിച്ചു ജനങ്ങളുടെമേല്‍ അധികഭാരം അടിച്ചേല്‍പ്പിച്ച സര്‍ക്കാരിന്റെ നടപടി അംഗീകരിക്കില്ല. കേരള ചരിത്രത്തില്‍ ഏറ്റവും കൂടുതല്‍ നികുതി ഭാരം അടിച്ചേല്‍പ്പിച്ച സര്‍ക്കാരായി ഉമ്മന്‍ചാണ്ടി സര്‍ക്കാര്‍ മാറി. നിയമസഭയെ അഭിമുഖീകരിക്കാതെയും ബജറ്റ് അപ്രസക്തമാക്കിയും മന്ത്രിസഭാ തീരുമാനത്തിലൂടെ നികുതി ഭാരം അടിച്ചേല്‍പ്പിച്ച ചരിത്രം ഇല്ല. വര്‍ധിപ്പിച്ച നിരക്കിലുള്ള നികുതി ജനങ്ങള്‍ നല്‍കരുത് വെള്ളക്കരവും ഭൂനികുതിയും നിഷേധിക്കും. നികുതി അടയ്ക്കാതിരിക്കുന്നതിനെതിരേയുള്ള നിയമ നടപടികള്‍ ചെറുക്കാന്‍ സിപിഎം മുന്നിട്ടിറങ്ങും.”

    പിണറായി വിജയന്‍ (സിപിഎം സംസ്ഥാന സെക്രട്ടറി)
  • “ഇന്ത്യയിലെ മുസ്ലിങ്ങളുടെ രാജ്യ സ്‌നേഹത്തില്‍ ആര്‍ക്കും സംശയം വേണ്ട. അത് ചോദ്യം ചെയ്യാനാകില്ല ഇന്ത്യന്‍ മുസ്ലിങ്ങള്‍ രാജ്യത്തിന് വേണ്ടി ജീവിക്കുകയും മരിക്കുകയും ചെയ്യുന്നവരാണ്. അല്‍ഖ്വയ്ദയ്ക്ക് ഇന്ത്യന്‍ മണ്ണില്‍ പിന്തുണ കിട്ടില്ല. രാജ്യത്തെ മുസ്ലീങ്ങളോട് അല്‍ഖ്വയ്ദ ചെയ്യുന്നത് നീതികേടാണ്. ഇന്ത്യയിലെ മുസ്ലിങ്ങളെ തങ്ങളുടെ താളത്തിനൊത്ത് തുള്ളിക്കാമെന്ന് അല്‍ഖ്വയ്ദ കരുതുന്നുണ്ടെങ്കില്‍ അവര്‍ വഞ്ചിതരാകും.”

  • “നരേന്ദ്ര മോഡി മന്ത്രിസഭയോടുള്ള ന്യൂനപക്ഷത്തിന്റെ മനോഭാവം മാറ്റിയെടുക്കുകയാണ് ന്യൂനപക്ഷ മന്ത്രാലയം നേരിടുന്ന ഏറ്റവും വലിയ വെല്ലുവിളി. നരേന്ദ്ര മോഡി പോരാടുന്നത് ദാരിദ്ര്യത്തിനെതിരെയാണ്. അതിനൊപ്പം നില്‍ക്കുന്നവരാണ് ഞങ്ങള്‍. അന്യാധീനപ്പെട്ട വഖഫ് സ്വത്തുക്കള്‍ തിരിച്ചുപിടിക്കുന്നതിനുള്ള നിയമം പാര്‍ലമെന്റിന്റെ ശീതകാല സമ്മേളനത്തില്‍ പാസാക്കാന്‍ ശ്രമിക്കും. വഖഫ് വികസന കോര്‍പറേഷന്റെ നേതൃത്വത്തില്‍ വഖഫ് ഭൂമി വ്യവസായികമായി വികസിപ്പിക്കാനും അതില്‍നിന്നുള്ള പണം സമുദായക്ഷേമത്തിന് ഉപയോഗിക്കാനുമുള്ള പദ്ധതി തുടങ്ങിക്കഴിഞ്ഞു.”

    നജ്മ ഹിബത്തുല്ല (ന്യൂനപക്ഷകാര്യ മന്ത്രി)
  • “വെള്ളക്കരം കൂട്ടിയ നടപടി ജനങ്ങള്‍ക്ക് അമിതഭാരമാണ് . ഇത് അടിയന്തരമായി പിന്‍വലിക്കണം. വിവിധ വകുപ്പുകളില്‍ നിന്ന് കോടികളുടെ കുടിശികയാണ് പിരിച്ചെടുക്കാനുള്ളത്. ഇത് പിരിച്ചെടുത്ത് സാമ്പത്തികപ്രതിസന്ധിക്ക് പരിഹാരം കാണുകയാണ് വേണ്ടത്. അല്ലാതെ ചിലരുടെ വെള്ളം കുടി നിര്‍ത്താനായി ജനങ്ങളെ വെള്ളം കുടിപ്പിക്കരുത്.”

    കെ മുരളീധരന്‍ എംഎല്‍എ
  • മാന്യതയുള്ളവര്‍ ഉപയോഗിക്കാന്‍ മടിക്കുന്ന പദപ്രയോഗമാണ് ജയരാജന്‍ മുഖ്യമന്ത്രിക്കെതിരെ ഉപയോഗിച്ചത്. മുഖ്യമന്ത്രിക്കെതിരായ പരനാറി പ്രയോഗം പിന്‍വലിച്ച് എംവി ജയരാജന്‍ മാപ്പ് പറയണം ജയരാജനെതിരെ നടപടിയെടുക്കാന്‍ സിപിഎം തയാറാകണം.

    വിഎം സുധീരന്‍ (കെപിസിസി അധ്യക്ഷന്‍)

ഐ.ടി മിഷന്‍ കോഴ്‌സ് പ്രവേശനത്തിന് അപേക്ഷ ക്ഷണിച്ചു

ഐ.ഇ.ടി പ്രിന്‍സിപ്പല്‍ അഭിമുഖം

കാലിക്കറ്റ് സര്‍വകലാശാലാ ഇന്‍സ്റ്റിറ്റിയൂട്ട് ഓഫ് എഞ്ചിനീയറിംഗ് ആന്റ് ടെക്‌നോളജിയില്‍ പ്രിന്‍സിപ്പല്‍ (കരാര്‍ അടിസ്ഥാനം) തസ്തികയിലേക്ക് ഓണ്‍ലൈന്‍ അപേക്ഷ സമര്‍പ്പിച്ചവരില്‍ യോഗ്യരായവര്‍ക്കുള്ള അഭിമുഖം സെപ്തംബര്‍ 25-ന് ഉച്ചക്ക് രണ്ട് മണിക്ക് സര്‍വകലാശാലാ എ.ഡി. വിഭാഗത്തില്‍ വെച്ച് നടത്തും. വിശദവിവരങ്ങള്‍ക്ക് വെബ്‌സൈറ്റിലെ വാകന്‍സീസ്/കരിയേഴ്‌സ് ലിങ്കില്‍ ലഭ്യമാണ്. പി.ആര്‍.1977/2014

വടകര താലൂക്കിലെ വിദ്യാര്‍ത്ഥികള്‍ക്ക് യു.ജി പുനഃപരീക്ഷ

2013 ഡിസംബര്‍ 20-ന് നടത്തിയ മൂന്നാം സെമസ്റ്റര്‍ യു.ജി (സിസിഎസ്എസ്) പരീക്ഷകള്‍, അന്ന് പരീക്ഷ നടത്താതിരുന്ന വടകര താലൂക്കിലെ കോളേജുകളിലെ അപേക്ഷകര്‍ക്കായി ഒക്‌ടോബര്‍ പത്തിന് അതത് കോളേജുകളില്‍ വീണ്ടും നടത്തും. സമയം: രണ്ട് മണി. പുനഃപരീക്ഷാ പ്രത്യേക ഫീസായി 50 രൂപ അടക്കണം. പി.ആര്‍.1978/2014

ബി.എ മൂല്യനിര്‍ണയ ക്യാമ്പ്

കാലിക്കറ്റ് സര്‍വകലാശാല രണ്ട്, നാല് സെമസ്റ്റര്‍ ബി.എ (സിസിഎസ്എസ്) മൂല്യനിര്‍ണയ ക്യാമ്പ് സെപ്തംബര്‍ 24 മുതല്‍ ഒക്‌ടോബര്‍ ഒന്ന് വരെ വിവിധ കോളേജുകളില്‍ നടക്കും. വിശദവിവരങ്ങള്‍ വെബ്‌സൈറ്റില്‍ ലഭ്യമാണ്. ഗവണ്‍മെന്റ്/എയ്ഡഡ്/സ്വാശ്രയ കോളേജ് അധ്യാപകര്‍ ക്യാമ്പില്‍ പങ്കെടുക്കണം. സുല്‍ത്താന്‍ ബത്തേരി ഡോണ്‍ ബോസ്‌കോ, നരിക്കുനി ബൈത്തുല്‍ ഇസ്സ കോളേജുകളിലെ ട്രാവല്‍ ആന്റ് ടൂറിസം അധ്യാപകര്‍ കൈതപൊയില്‍ ലിസ്സ കോളേജിലെ ക്യാമ്പില്‍ ഹാജരാകണം. തവനൂര്‍ ഐഡിയല്‍ കോളേജ്, വളാഞ്ചേരി സഫ കോളേജുകളിലെ അധ്യാപകര്‍ കൈതപൊയില്‍ ലിസ്സ കോളേജില്‍ നടക്കുന്ന ബി.എസ്.ഡബ്ല്യു ക്യാമ്പില്‍ പങ്കെടുക്കണം. മലപ്പുറം ജില്ലയിലെ മലയാളം മൂല്യനിര്‍ണ ക്യാമ്പ് മമ്പാട് എം.ഇ.എസ് കോളേജില്‍ നടക്കും. ബന്ധപ്പെട്ട എല്ലാ അധ്യാപകരും ക്യാമ്പുകളില്‍ പങ്കെടുക്കണമെന്ന് പരീക്ഷാ കണ്‍ട്രോളര്‍ അറിയിച്ചു. പി.ആര്‍.1979/2014

അക്കാദമിക് കൗണ്‍സില്‍ തെരഞ്ഞെടുപ്പ്

കാലിക്കറ്റ് സര്‍വകലാശാലാ അക്കാദമിക് കൗണ്‍സില്‍ തെരഞ്ഞെടുപ്പുമായി ബന്ധപ്പെട്ട് മഞ്ചേരി എന്‍.എസ്.എസ് കോളേജില്‍ ഹ്യുമാനിറ്റീസ് ഫാക്കല്‍റ്റിയില്‍ (വിദ്യാര്‍ത്ഥികളുടെ മണ്ഡലത്തില്‍) വീണ്ടും വോട്ടെടുപ്പ് സെപ്തംബര്‍ 26-ന് രാവിലെ പത്ത് മുതല്‍ ഉച്ചക്ക് 12 വരെ നടക്കും. പി.ആര്‍.1980/2014

വിദൂരപഠനം പി.ജി/പി.ജി. ഡിപ്ലോമ പ്രവേശനം

കാലിക്കറ്റ് സര്‍വ്വകലാശാലാ സ്‌കൂള്‍ ഓഫ് ഡിസ്റ്റന്‍സ് എഡ്യൂക്കേഷന്‍ റഗുലര്‍ എം.എ/എം.എസ്.സി മാത്തമാറ്റിക്‌സ്/എം.കോം, വിവിധ പി.ജി ഡിപ്ലോമ കോഴ്‌സുകളിലേക്ക് അപേക്ഷ ക്ഷണിച്ചു. സെപ്തംബര്‍ 25 മുതല്‍ ഓണ്‍ലൈന്‍ രജിസ്റ്റര്‍ ചെയ്യാനുള്ള സൗകര്യം വെബ്‌സൈറ്റില്‍ ലഭ്യമാവും. പി.ജി ഡിപ്ലോമ കോഴ്‌സുകളിലേക്ക് പ്രോഗ്രാം സെന്ററുകള്‍ വഴി അപേക്ഷിക്കേണ്ടതും അപ്ലിക്കേഷന്‍ ഫോം ഫീ മാത്രം അടച്ച് അപേക്ഷിക്കേണ്ടതുമാണ്. ബാക്കി തുക, അഡ്മിഷന്‍ സമയത്ത് അടക്കേണ്ടതാണ്.
നോട്ടിഫിക്കേഷനും, പ്രോസ്‌പെക്റ്റസും, സര്‍വകലാശാലാ വെബ്‌സൈറ്റിലെ ഹോം പേജിലുള്ള Distance Education > Notification eലിങ്കില്‍ ലഭ്യമായിരിക്കും. ഹോം പേജിലുളള Instant web payment system (CUIWPS)> Instant pay യിലൂടെ ഫീസ് അടയ്ക്കാവുന്നതാണ്. ഫീസടച്ചശേഷം CUIWPS ലുളള online application വഴി SDE Regular PG/PG Diploma admission 2014 ലിങ്കിലൂടെ അപേക്ഷ സമര്‍പ്പിക്കാവുന്നതാണ്. പിഴകൂടാതെ ഒക്‌ടോബര്‍ 25 വരെയും 100 രൂപ പിഴയേടെ നവംബര്‍ ഏഴ് വരെയും ഓണ്‍ലൈനായി അപേക്ഷിക്കാവുന്നതാണ്.
അപേക്ഷയുടെ പ്രിന്‍ൗട്ട് പ്രോസ്‌പെക്റ്റസില്‍ പറഞ്ഞിട്ടുളള മുഴുവന്‍ രേഖകളും സഹിതം ഡയറക്ടര്‍, സ്‌കൂള്‍ ഓഫ് ഡിസ്റ്റന്‍സ് എഡ്യുക്കേഷന്‍, യൂണിവേഴ്‌സിറ്റി ഓഫ് കാലിക്കറ്റ്, കാലിക്കറ്റ് യൂണിവേഴ്‌സിറ്റി പി.ഒ, 673 635 എന്ന വിലാസത്തില്‍ നവംബര്‍ 14-നകം ലഭിക്കണം. കൂടാതെ അപേക്ഷ എസ്.ഡി.ഇ ഓഫീസില്‍ നേരിട്ട് സമര്‍പ്പിച്ച് സ്‌പോട്ട് അഡ്മിഷന്‍ നേടാനുളള സൗകര്യവുമുണ്ട്. അതിന് വേണ്ടി സ്‌പോട്ട് അഡ്മിഷന്‍ ഫീസായ 50/- രൂപ കൂടി അടച്ച ചലാന്‍ രശീതി അപേക്ഷയോടൊപ്പം വെക്കേണ്ടതാണ്. സ്‌പോട്ട് അഡ്മിഷന്‍ എടുക്കുന്നവരുടെ സര്‍ട്ടിഫിക്കറ്റുകള്‍ പരിശോധനയ്ക്ക് ശേഷം അപ്പോള്‍ തന്നെ തിരിച്ചു നല്‍കുന്നതാണ്. സ്‌പോട്ട് അഡ്മിഷന് താല്‍പര്യമില്ലാത്തവര്‍ക്ക് സര്‍ട്ടിഫിക്കറ്റുകള്‍ തിരിച്ച് കിട്ടുവാന്‍ 32 രൂപ സ്റ്റാമ്പ് പതിച്ച, സ്വന്തം മേല്‍വിലാസം എഴുതിയ 30 സെ.മി ഃ 25 സെ.മി വലിപ്പമുളള കവര്‍ അപേക്ഷയോടൊപ്പം അയക്കേണ്ടതാണ്. വിശദ വിവരങ്ങള്‍ക്ക്: 0494 2407356, 2400288. പി.ആര്‍.1981/2014

ഐ.ടി മിഷന്‍ കോഴ്‌സ് പ്രവേശനത്തിന് അപേക്ഷ ക്ഷണിച്ചു

കാലിക്കറ്റ് സര്‍വ്വകലാശാലാ ഐ.ടി.മിഷന്‍ പ്രോഗ്രാമിന്റെ ഭാഗമായി നടത്തുന്ന
ജി.ഐ.ടി (ഗേയ്റ്റ് വേ ടു ഇന്‍ഫര്‍മേഷന്‍ ടെക്‌നോളജി), ഡി.ഐ.ടി (ഡിപ്ലോമ ഇന്‍ ഇന്‍ഫര്‍മേഷന്‍ ടെക്‌നോളജി), ഡി.ഡബ്ല്യൂ.പി.എ.(ഡിപ്ലോമ ഇന്‍ വേര്‍ഡ് പ്രോസസിംഗ് ആന്‍ഡ് അക്കൗണ്ടിംഗ്), പി.ജി.ഡി.സി.എ (പോസ്റ്റ് ഗ്രാജ്വേറ്റ് ഡിപ്ലോമ ഇന്‍ കമ്പ്യൂട്ടര്‍ അപ്ലിക്കേഷന്‍സ്) എന്നീ കോഴ്‌സുകളിലേക്ക് പ്രവേശനത്തിന് അപേക്ഷ ക്ഷണിച്ചു. ഓണ്‍ലൈന്‍ അപേക്ഷ പിഴകൂടാതെ ഒക്‌ടോബര്‍ പത്ത് വരെയും, 100 രൂപ പിഴയോടെ ഒക്‌ടോബര്‍ 17 വരെയും സമര്‍പ്പിക്കാം.
എസ്.എസ്.എല്‍.സി/ തത്തുല്യ യോഗ്യത ഉളളവര്‍ക്ക് ആറു മാസം ദൈര്‍ഘ്യമുളള (ഒരു സെമസ്റ്റര്‍) ജി.ഐ.ടി കോഴ്‌സിനും, പ്ലസ് ടു/തത്തുല്യ യോഗ്യത ഉളളവര്‍ക്ക് ഒരു വര്‍ഷം ദൈര്‍ഘ്യമുളള (രണ്ട് സെമസ്റ്റര്‍) ഡി.ഐ.ടി. കോഴ്‌സിനും ആറു മാസം ദൈര്‍ഘ്യമുളള (ഒരു സെമസ്റ്റര്‍) ഡി.ഡബ്ല്യൂ.പി.എ. കോഴ്‌സിനും ബിരൂദ യോഗ്യത ഉളളവര്‍ക്ക് ഒരു വര്‍ഷം ദൈര്‍ഘ്യമുളള (രണ്ട് സെമസ്റ്റര്‍) പി.ജി.ഡി.സി.എ കോഴ്‌സിനും അപേക്ഷിക്കാം. ജി.ഐ.ടി കോഴ്‌സിന് 3000/- രൂപയും ഡി.ഐ.ടി കോഴ്‌സിന് ഒരു സെമസ്റ്ററിന് 3000/- രൂപയും ഡി.ഡബ്ല്യു.പി.എ. കോഴ്‌സിനു 6000/- രൂപയും പി.ജി.ഡി.സി.എ കോഴ്‌സിനു ഒരു സെമസ്റ്ററിന് 6000/- രൂപയും ആണ് കോഴ്‌സ് ഫീസ്. സര്‍വകലാശാലയുടെ മറ്റ് കോഴ്‌സുകള്‍ക്ക് പഠിക്കുന്നവര്‍ക്കും ജോലിയില്‍ ഏര്‍പ്പെട്ടിരിക്കുന്നവര്‍ക്കും ഈ കോഴ്‌സുകള്‍ക്ക് ചേരാവുന്നതാണ്.
ഐ.ടി. മിഷന്‍ പ്രോഗ്രാമിന്റെ കീഴില്‍ വിവിധ ജില്ലകളിലുളള അംഗീകൃത കംപ്യൂട്ടര്‍ സ്ഥാപനങ്ങള്‍മുഖേനയാണ് അപേക്ഷ സമര്‍പ്പിക്കേണ്ടത്. അംഗീകൃത ഐ.ടി.മിഷന്‍ സെന്ററുകളെക്കുറിച്ചും മറ്റുമുളള വിശദവിവരങ്ങള്‍ക്കും സര്‍വ്വകലാശാലാ വെബ്‌സൈറ്റ് സന്ദര്‍ശിക്കുക. ഫോണ്‍: 0494 2126750. പി.ആര്‍.1982/2014

പരീക്ഷാ അപേക്ഷ: തിയതി നീട്ടി

കാലിക്കറ്റ് സര്‍വകലാശാല ഒന്ന്-രണ്ട്, നാല്-ആറ് സെമസ്റ്റര്‍ ബി.ടെക്/ബി.ആര്‍ക്/പാര്‍ട്ട് ടൈം ബി.ടെക് (2004 സ്‌കീം) സപ്ലിമെന്ററി പരീക്ഷകള്‍ക്ക് പിഴകൂടാതെ ഓണ്‍ലൈനില്‍ അപേക്ഷിക്കാനുള്ള തിയതി സെപ്തംബര്‍ 27 വരെ നീട്ടി. പി.ആര്‍.1983/2014

ഹാള്‍ടിക്കറ്റ്

കാലിക്കറ്റ് സര്‍വകലാശാല നാലാം സെമസ്റ്റര്‍ വിദൂരവിദ്യാഭ്യാസം ബി.എ/ബി.എ അഫ്‌സല്‍-ഉല്‍-ഉലമ/ബി.കോം/ബി.ബി.എ/ബി.എസ്.സി മാത്തമാറ്റിക്‌സ്/ബി.എസ്.സി കൗണ്‍സലിംഗ് സൈക്കോളജി പരീക്ഷകളുടെ ഹാള്‍ടിക്കറ്റ് വെബ്‌സൈറ്റില്‍ ലഭ്യമാണ്.
പി.ആര്‍.1984/2014

കാലിക്കറ്റ് സര്‍വകലാശാല സെപ്തംബര്‍ 30-ന് ആരംഭിക്കുന്ന ബി.എഡ് സപ്ലിമെന്ററി പരീക്ഷയുടെ (2006-2011 പ്രവേശനം, നോണ്‍ സെമസ്റ്റര്‍) ഹാള്‍ടിക്കറ്റ് വെബ്‌സൈറ്റില്‍ ലഭ്യമാണ്. പി.ആര്‍.1985/2014

പുനഃമൂല്യനിര്‍ണയ ഫലം

കാലിക്കറ്റ് സര്‍വകലാശാല പി.ജി ഡിപ്ലോമ ഇന്‍ കൗണ്‍സലിംഗ് പരീക്ഷയുടെ (ഡിസംബര്‍ 2013) പുനഃമൂല്യനിര്‍ണയ ഫലം വെബ്‌സൈറ്റില്‍ ലഭ്യമാണ്. ഉത്തരക്കടലാസ് തിരിച്ചറിയാന്‍ ആഗ്രഹിക്കുന്നവര്‍ 15 ദിവസത്തിനകം പരീക്ഷാഭവനുമായി ബന്ധപ്പെടുക. പി.ആര്‍.1986/2014

കാലിക്കറ്റ് സര്‍വകലാശാല വാര്‍ത്തകള്‍

വിദ്യാര്‍ത്ഥികളുടെ പ്രശ്‌ന പരിഹാരത്തിന് അദാലത്ത്

വിദ്യാര്‍ത്ഥികളുടെ വിവിധ പ്രശ്‌നങ്ങള്‍ പരിഹരിക്കുന്നതിനായി കാലിക്കറ്റ് സര്‍വകലാശാല അദാലത്ത് സംഘടിപ്പിക്കുന്നു. സര്‍വകലാശാലാ കാമ്പസിലെ വിദ്യാര്‍ത്ഥികള്‍ക്കും കാമ്പസിന് പുറത്ത് അഫിലിയേറ്റഡ് കോളേജുകളിലെയും വിദൂരവിദ്യാഭ്യാസ വിഭാഗത്തിന് കീഴിലെയും വിദ്യാര്‍ത്ഥികള്‍ക്കും വ്യത്യസ്ത അദാലത്തുകളാണ് സംഘടിപ്പിക്കുന്നത്. തിയതി പിന്നീട് പ്രഖ്യാപിക്കും. പി.ആര്‍.1950/2014

സര്‍വകലാശാലയില്‍ സി.എച്ച് അനുസ്മരണം

മുന്‍ മുഖ്യമന്ത്രി സി.എച്ച് മുഹമ്മദ് കോയയുടെ മുപ്പത്തിയൊന്നാം ചരമ വാര്‍ഷികത്തോടനുബന്ധിച്ച് കാലിക്കറ്റ് സര്‍വ്വകലാശാലാ സി.എച്ച് ചെയര്‍ അനുസ്മരണം സംഘടിപ്പിക്കുന്നു. സെപ്തംബര്‍ 27-ന് മൂന്ന് മണിക്ക് സര്‍വകലാശാലാ കാമ്പസിലെ സി.എച്ച് ചെയര്‍ ഹാളിലാണ് പരിപാടി. സി.എച്ചിന്റെ ആദ്യകാല സുഹൃത് ഡോ.മുണ്ടോള്‍ അബ്ദുള്ള, ചന്ദ്രികയുടെ മുന്‍ പത്രാധിപന്‍മാരായ സി.കെ.താനൂര്‍, മുഹമ്മദ് കോയ നടക്കാവ് തുടങ്ങിയവര്‍ സി.എച്ചിനെക്കുറിച്ചുളള ഓര്‍മ്മകള്‍ പങ്കുവെക്കും. സിന്‍ഡിക്കേറ്റംഗം ഡോ.വി.പി.അബ്ദുല്‍ ഹമീദ് അധ്യക്ഷനായിരിക്കും. പി.ആര്‍.1951/2014

ജെ.ആര്‍.എഫ്/ഫീല്‍ഡ് അസിസ്റ്റന്റ്: അപേക്ഷ ക്ഷണിച്ചു

കാലിക്കറ്റ് സര്‍വകലാശാലാ ബോട്ടണി പഠനവകുപ്പില്‍ നടത്തുന്ന റിസര്‍ച്ച് പ്രൊജക്ടിലേക്ക് ജൂനിയര്‍ റിസര്‍ച്ച് ഫെല്ലോ, ഫീല്‍ഡ് അസിസ്റ്റന്റ് തസ്തികകളില്‍ നിയമനത്തിന് അപേക്ഷ ക്ഷണിച്ചു. യോഗ്യത ജൂനിയര്‍ റിസര്‍ച്ച് ഫെല്ലോ: 50% മാര്‍ക്കോടെ ബോട്ടണി/പ്ലാന്റ് സയന്‍സ്/അപ്ലൈഡ് പ്ലാന്റ് സയന്‍സ് എന്നിവയില്‍ പി.ജിയും ടാമോണമി റിസര്‍ച്ച് പ്രൊജക്ടിലുള്ള പരിചയവും, നെറ്റ്/സെറ്റ്, കമ്പ്യൂട്ടര്‍ പരിജ്ഞാനവും. ഫീല്‍ഡ് അസിസ്റ്റന്റ്: 50% മാര്‍ക്കോടെ ബി.എസ്.സി/എം.എസ്.സി ബോട്ടണി/പ്ലാന്റ് സയന്‍സ്/അപ്ലൈഡ് പ്ലാന്റ് സയന്‍സ്, കമ്പ്യൂട്ടര്‍ പരിജ്ഞാനം. ബയോഡാറ്റ, സര്‍ട്ടിഫിക്കറ്റുകളുടെ പകര്‍പ്പ് സഹിതം ഡോ.എം.സാബു, ഡിപ്പാര്‍ട്ട്‌മെന്റ് ഓഫ് ബോട്ടണി, യൂണിവേഴ്‌സിറ്റി ഓഫ് കാലിക്കറ്റ്, കാലിക്കറ്റ് യൂണിവേഴ്‌സിറ്റി പി.ഒ, 673 635 എന്ന വിലാസത്തില്‍ സെപ്തംബര്‍ 24-നകം ലഭിക്കണം. നോട്ടിഫിക്കേഷന്‍ സര്‍വകലാശാലാ വെബ്‌സൈറ്റിലെ ഹോം പേജിലുള്ള വാകന്‍സീസ്/കരിയേഴ്‌സ് ലിങ്കില്‍ ലഭ്യമാണ്. പി.ആര്‍.1952/2014

എം.എ ഇംഗ്ലീഷ് പ്രവേശനം: എന്‍ട്രന്‍സ് പരീക്ഷ

കാലിക്കറ്റ് സര്‍വകലാശാലാ പഠനവകുപ്പുകളിലും കോളേജുകളിലും എം.എ ഇംഗ്ലീഷ് കോഴ്‌സിന് അപേക്ഷിച്ചവരില്‍ ഡിഗ്രിക്ക് ഇംഗ്ലീഷ് ഒരു മുഖ്യ വിഷയമായി പഠിക്കാത്തവര്‍ക്കുള്ള എന്‍ട്രന്‍സ് പരീക്ഷ സെപ്തംബര്‍ 25-ന് രാവിലെ പത്തിന് നടക്കും. അപേക്ഷ കൊടുത്ത കേന്ദ്രങ്ങളിലാണ് പരീക്ഷക്ക് ഹാജരാവേണ്ടത്. ഒന്നില്‍ കൂടുതല്‍ കോളേജുകളില്‍ അപേക്ഷിച്ചവര്‍ ഏതെങ്കിലും ഒരു കേന്ദ്രത്തില്‍ പരീക്ഷക്ക് ഹാജരാവുകയും അപേക്ഷിച്ച മറ്റ് കോളേജുകളുടെ പേരുകള്‍ പരീക്ഷ എഴുതുന്ന കോളേജില്‍ സമര്‍പ്പിക്കേണ്ടതുമാണ്. പരീക്ഷയുടെ സ്‌കീമും പരീക്ഷാ കേന്ദ്രങ്ങളുടെ പട്ടികയും സര്‍വകലാശാലാ വെബ്‌സൈറ്റില്‍. പി.ആര്‍.1953/2014

ബി.എഡ് ഇന്റര്‍വ്യൂ

കാലിക്കറ്റ് സര്‍വകലാശാലയുടെ ബി.എഡ് കേന്ദ്രങ്ങളിലേക്ക് പ്രവേശനത്തിനുള്ള അഭിമുഖം സോഷ്യല്‍ സയന്‍സ് സെപ്തംബര്‍ 20-ന് രാവിലെ പത്തിന് സര്‍വകലാശാലാ കാമ്പസിലുള്ള ടാഗോര്‍ നികേതന്‍ ഹാളില്‍ നടക്കും. മെരിറ്റ് ലിസ്റ്റിലെ പ്രവേശനത്തിന് ശേഷം ഉണ്ടാകുന്ന ഒഴിവുകളിലേക്ക് അപ്പോള്‍ തന്നെ വെയിറ്റിങ്ങ് ലിസ്റ്റില്‍ നിന്നും പ്രവേശനം നടത്തും. ഒറിജിനല്‍ സര്‍ട്ടിഫിക്കറ്റുകളും 26,000 രൂപ ഫീസും കൊണ്ടുവരണം. പി.ആര്‍.1954/2014
എം.എസ്.സി സ്റ്റാറ്റിസ്റ്റിക്‌സ് എസ്.സി സീറ്റ് ഒഴിവ്
കാലിക്കറ്റ് സര്‍വകലാശാലാ സ്റ്റാറ്റിസ്റ്റിക്‌സ് പഠനവകുപ്പില്‍ ഒന്നാം സെമസ്റ്റര്‍ എം.എസ്.സി സ്റ്റാറ്റിസ്റ്റിക്‌സിന് എസ്.സി./എസ്.ടി വിഭാഗത്തിന് സംവരണം ചെയ്ത രണ്ട് സീറ്റുകള്‍ ഒഴിവുണ്ട്. നിര്‍ദ്ദിഷ്ട യോഗ്യതയുള്ള എസ്.സി/എസ്.ടി വിഭാഗത്തില്‍പ്പെട്ട വിദ്യര്‍ത്ഥികള്‍ സര്‍ട്ടിഫിക്കറ്റുകള്‍ സഹിതം സെപ്തംബര്‍ 25-ന് ഉച്ചക്ക് 12 മണിക്ക് പഠനവകുപ്പില്‍ ഹാജരാകണം. പി.ആര്‍.1955/2014

എം.എ അറബിക് എസ്.സി സീറ്റ് ഒഴിവ്

കാലിക്കറ്റ് സര്‍വകലാശാലാ അറബി പഠനവകുപ്പില്‍ എം.എ അറബികിന് എസ്.സി വിഭാഗത്തില്‍ ഒഴിവുള്ള നാല് സീറ്റുകളിലേക്ക് യോഗ്യരായ പട്ടികജാതി വിദ്യാര്‍ത്ഥികള്‍, യോഗ്യത തെളിയിക്കുന്ന മുഴുവന്‍ രേഖകളും സര്‍ട്ടിഫിക്കറ്റുകളും, ക്വാഷന്‍ ഡെപ്പോസിറ്റായ 250 രൂപയും സഹിതം സെപ്തംബര്‍ 25-ന് മൂന്ന് മണിക്ക് പഠനവകുപ്പില്‍ ഹാജരാകണം.
പി.ആര്‍.1956/2014

ബി.ആര്‍ക് പരീക്ഷാ അപേക്ഷ: തിയതി നീട്ടി

കാലിക്കറ്റ് സര്‍വകലാശാല ബി.ആര്‍ക് ഒമ്പത്, പത്ത് സെമസ്റ്റര്‍ (2കെ സ്‌കീം) സപ്ലിമെന്ററി പരീക്ഷക്ക് പിഴകൂടാതെ അപേക്ഷിക്കാനുള്ള അവസാന തിയതി സെപ്തംബര്‍ 23 വരെ നീട്ടി. ഇത് ഈ വിഭാഗത്തിനുള്ള അവസാന അവസരമായിരിക്കും. അധിക ഫീസായി പേപ്പര്‍ ഒന്നിന് 1,000 രൂപ അടക്കണം. പി.ആര്‍.1957/2014

നാലാം സെമസ്റ്റര്‍ ബി.എ അറബിക് പരീക്ഷ

കാലിക്കറ്റ് സര്‍വകലാശാലയുടെ കോളജുകളിലെ റഗുലര്‍ വിദ്യാര്‍ത്ഥികള്‍ക്കായുള്ള (2012 പ്രവേശനം) നാലാം സെമസ്റ്റര്‍ ബി.എ അറബിക് പേപ്പര്‍ എആര്‍4ബി05-മെതഡോളജി ഓഫ് അറബിക് (സിസിഎസ്എസ്) പരീക്ഷ സെപ്തംബര്‍ 29-ന് രാവിലെ 9.30-ന് അതത് കേന്ദ്രങ്ങളില്‍ നടക്കും. 2012 പ്രവേശനം വിദ്യാര്‍ത്ഥികള്‍ നേരത്തെ എഴുതിയ ഈ പരീക്ഷ റദ്ദ് ചെയ്തു. 2011 ഉം അതിന് മുമ്പുള്ള പ്രവേശനം സപ്ലിമെന്ററി വിദ്യാര്‍ത്ഥികള്‍ വീണ്ടും ഈ പരീക്ഷ എഴുതേണ്ടതില്ല. പി.ആര്‍.1958/2014

പാര്‍ട്ട് ടൈം എം.ബി.എ പരീക്ഷ

കാലിക്കറ്റ് സര്‍വകലാശാല രണ്ടാം സെമസ്റ്റര്‍ പാര്‍ട്ട് ടൈം എം.ബി.എ (2013 പ്രവേശനം-സിയുസിഎസ്എസ്) പരീക്ഷ സെപ്തംബര്‍ 23 മുതല്‍ രാവിലെ 9.30-ന് തൃശൂര്‍ ജോണ്‍ മത്തായി സെന്ററില്‍ നടക്കും. പി.ആര്‍.1959/2014

വൈവാ വോസി

കാലിക്കറ്റ് സര്‍വകലാശാലാ വിദൂരവിദ്യാഭ്യാസം എം.എ സംസ്‌കൃതം ഫൈനല്‍ പരീക്ഷയുടെ ഭാഗമായ വൈവാ വോസി സെപ്തംബര്‍ 22-നും, നാലാം സെമസ്റ്റര്‍ എം.എ സംസ്‌കൃതം (സിയുസിഎസ്എസ്) ഡിസര്‍ട്ടേഷന്‍ മൂല്യനിര്‍ണയവും വൈവാ വോസിയും സെപ്തംബര്‍ 23-നും പട്ടാമ്പി എസ്.എന്‍.ജി.എസ് കോളേജില്‍ നടക്കും. ഷെഡ്യൂള്‍ വെബ്‌സൈറ്റില്‍. പി.ആര്‍.1960/2014

കാലിക്കറ്റ് സര്‍വകലാശാലാ വിദൂരവിദ്യാഭ്യാസം ഒന്നാം വര്‍ഷ എം.എ ഹിന്ദി പരീക്ഷയുടെ ഭാഗമായ വൈവാ വോസി സെപ്തംബര്‍ 25, 26, 27, 29 തിയതികളില്‍ രാവിലെ പത്തിന് കോഴിക്കോട് ഗവണ്‍മെന്റ് ആര്‍ട്‌സ് ആന്റ് സയന്‍സ് കോളേജില്‍ നടക്കും. ഷെഡ്യൂള്‍ വെബ്‌സൈറ്റില്‍. ഫോണ്‍: 0494 2400288, 2407461. പി.ആര്‍.1961/2014

കാലിക്കറ്റ് സര്‍വകലാശാല ഫൈനല്‍ എം.എ അറബിക് വൈവാ വോസി സെപ്തംബര്‍ 23-ന് രാവിലെ പത്തിന് അറബി പഠനവിഭാഗത്തില്‍ നടക്കും. പി.ആര്‍.1962/2014
കാലിക്കറ്റ് സര്‍വകലാശാല നാലാം സെമസ്റ്റര്‍ എം.എ തമിഴ് (സിയുസിഎസ്എസ്) വൈവാ വോസി സെപ്തംബര്‍ 29-ന് ചിറ്റൂര്‍ ഗവണ്‍മെന്റ് കോളേജില്‍ നടക്കും. ഷെഡ്യൂള്‍ വെബ്‌സൈറ്റില്‍. പി.ആര്‍.1963/2014

പുനര്‍മൂല്യനിര്‍ണയ ഫലം

കാലിക്കറ്റ് സര്‍വകലാശാല ഒന്നാം സെമസ്റ്റര്‍ എം.ജെ.ടി പരീക്ഷയുടെ (ഡിസംബര്‍ 2013) പുനര്‍മൂല്യനിര്‍ണയ ഫലം വെബ്‌സൈറ്റില്‍ ലഭ്യമാണ്. ഉത്തരക്കടലാസ് തിരിച്ചറിയാന്‍ ആഗ്രഹിക്കുന്നവര്‍ 15 ദിവസത്തിനകം പരീക്ഷാഭവനുമായി ബന്ധപ്പെടുക. പി.ആര്‍.1964/2014

സെപ്തംബര്‍ 19-ന് നാടകം ‘നാട്ടുവൈദ്യന്‍’

കേരള സംഗീത നാടക അക്കാദമിയുടെ സഹകരണത്തോടെ കാലിക്കറ്റ് സര്‍വകലാശാലാ പബ്ലിക് റിലേഷന്‍സ് വിഭാഗം എല്ലാ വെള്ളിയാഴ്ചകളിലും സംഘടിപ്പിക്കുന്ന നാടക പ്രദര്‍ശനത്തില്‍ സെപ്തംബര്‍ 19-ന് കോഴിക്കോട് രംഗമിത്ര അവതരിപ്പിക്കുന്ന ‘നാട്ടുവൈദ്യന്‍’ അരങ്ങേറും. ജയന്‍ തിരുമനയുടെ രചനക്ക് മനോജ് നാരായണനാണ് സംവിധാനം നിര്‍വഹിച്ചത്. സര്‍വകലാശാലാ ഓഡിറ്റോറിയത്തില്‍ വൈകുന്നേരം 6.30-ന് ആരംഭിക്കുന്ന നാടക പ്രദര്‍ശനത്തിന് പ്രവേശനം സൗജന്യമാണ്. പി.ആര്‍.1965/2014

ബിഎഡ് ഇന്റര്‍വ്യൂ

കാലിക്കറ്റ് സര്‍വകലാശാലയുടെ ബിഎഡ് കേന്ദ്രങ്ങളിലേക്ക് പ്രവേശനത്തിനുള്ള അഭിമുഖം ഫിസിക്കല്‍ സയന്‍സ് സെപ്തംബര്‍ 18-ന് രാവിലെ പത്തിനും, നാച്വുറല്‍ സയന്‍സ് ഉച്ചക്ക് രണ്ടിനും സര്‍വകലാശാലാ കാമ്പസിലുള്ള ടാഗോര്‍ നികേതന്‍ ഹാളില്‍ നടക്കും. മെരിറ്റ് ലിസ്റ്റിലെ പ്രവേശനത്തിന് ശേഷം ഉണ്ടാകുന്ന ഒഴിവുകളിലേക്ക് അപ്പോള്‍ തന്നെ വെയിറ്റിങ്ങ് ലിസ്റ്റില്‍ നിന്നും പ്രവേശനം നടത്തും. ഒറിജിനല്‍ സര്‍ട്ടിഫിക്കറ്റുകളും 26,000 രൂപ ഫീസും കൊണ്ടുവരണം.

സാമ്പത്തികശാസ്ത്രം ഇനി പാടി പഠിക്കാം

പറവൂര്‍ : ഇനി സാമ്പത്തിക ശാസ്ത്രം പാടി പഠിക്കാം. റിസര്‍വ്വ് ബാങ്കിന്റെ ധര്‍മങ്ങള്‍, വിദേശ വിനിമയ നിരക്ക് നിര്‍ണയിക്കുന്ന രീതി എന്നിവയെല്ലാം ഗാന രൂപത്തിലാക്കി, സാമ്പത്തിക ശാസ്ത്ര അധ്യാപകന്‍ പ്രമോദ് മാല്യങ്കര കുട്ടികള്‍ക്കായി ഒരു ആല്‍ബം തയ്യാറാക്കിയിരിക്കുകയാണ്. ആല്‍ബം കണ്ട് പാഠഭാഗങ്ങള്‍ എളുപ്പത്തില്‍ പഠിക്കാമെന്നാണ് നന്ത്യാട്ടുകുന്നം എസ്എന്‍വി സംസ്‌കൃത ഹയര്‍ സെക്കന്‍ഡറി സ്‌കൂളിലെ അധ്യാപകനായ ഇദ്ദേഹം പറയുന്നത്. ആല്‍ബം വിഡി സതീശന്‍ എംഎല്‍എക്ക് നല്‍കി വിദ്യാര്‍ഥികള്‍ പ്രകാശനം ചെയ്തു. സ്‌കൂള്‍ മാനേജര്‍ സിഎന്‍ രാധാകൃഷ്ണന്‍ അധ്യക്ഷത വഹിച്ചു. പ്രിന്‍സിപ്പല്‍ എംപി ഷാജി, പിടിഎ പ്രസിഡന്റ് സിപി ജയന്‍, വിദ്യാര്‍ത്ഥികളായ അമൃത, സജിത, അഞ്ജു, പ്രമോദ് മാല്യങ്കര എന്നിവര്‍ പ്രസംഗിച്ചു. എല്ലാ വിദ്യാര്‍ഥികള്‍ക്കും ആല്‍ബം സൗജന്യമായി നല്‍കുകയും ചെയ്തു.

യുവ സംരംഭകത്വ സംസ്‌ക്കാരവുമായി യെസ് 2014

കൊച്ചി: പുതിയ സംരംഭകത്വ സംസ്‌ക്കാരത്തിന് തുടക്കം കുറിച്ചു കൊണ്ട് യെസ് 2014 ന് തുടക്കമിട്ടു. തലനിറയെ ആശയങ്ങളും മനംനിറയെ ആത്മവിശ്വാസവുമായെത്തിയ യുവ സംരംഭകര്‍ക്ക് പിന്തുണയുമായി സംസ്ഥാന സര്‍ക്കാരിന്റെ വ്യവസായ വികസന കോര്‍പറേഷനും യെസ് 2014 ന്റെ കൂടെയുണ്ട്. ആദ്യ പടിയെന്നനിലയില്‍ സംരംഭകരായ വിദ്യാര്‍ഥികള്‍ക്ക് 20 ശതമാനം ഹാജര്‍ ആനുകൂല്യവും അഞ്ചു ശതമാനം ഗ്രേസ് മാര്‍ക്കും ഉടന്‍ നിലവില്‍ വരുമെന്ന് മുഖ്യമന്ത്രി ഉമ്മന്‍ ചാണ്ടി പ്രഖ്യാപിച്ചു. പുതുസംരംഭകരെ കണ്ടെത്താനും പ്രോത്സാഹിപ്പിക്കാനുമായി അഞ്ചു ലക്ഷം ചതുരശ്രയടി വിസ്തൃതിയില്‍ ലിവ്, വര്‍ക്ക് ആന്‍ഡ് പ്ലേ രീതിയില്‍ കാമ്പസ് ആരംഭിക്കും. ബജറ്റില്‍ യുവ സംരംഭകര്‍ക്കു നീക്കിവെക്കുന്ന വിഹിതം ഐടി വിഭാഗത്തിനു പുറമെ കാര്‍ഷികം, ടൂറിസം, ബിസിനസ്, ഇലക്ട്രോണിക്‌സ് മേഖലകളിലും അനുവദിക്കും. സ്‌കില്‍ ഡെവലപ്‌മെന്റിനു അഡീഷനല്‍ ചീഫ് സെക്രട്ടറി അരുണ സുന്ദരരാജന്റെ നേതൃത്വത്തിലുള്ള മൂന്നംഗ പാനലിന്റെ റിപ്പോര്‍ട്ട് സര്‍ക്കാര്‍ സ്വീകരിച്ചെന്നും ഉടന്‍ സ്റ്റാര്‍ട്ടപ് ഇന്നൊവേഷന്‍ പോളിസി പ്രഖ്യാപിക്കുമെന്നും സമാപന സമ്മേളനത്തില്‍ പങ്കെടുത്ത് മുഖ്യമന്ത്രി അറിയിച്ചു. സംസ്ഥാനത്ത് യുവ സംരംഭകരുടെ ചെറുകിടഇടത്തരം സംരംഭങ്ങള്‍ വന്‍തോതില്‍ വര്‍ധിക്കുന്നതായി വ്യവസായഐ.ടി മന്ത്രി പി.കെ. കുഞ്ഞാലിക്കുട്ടി അഭിപ്രായപ്പെട്ടു. ഇന്‍ഡസ്ട്രിയല്‍ ട്രെയിനിങ് പൂര്‍ത്തിയാക്കുന്നവര്‍ക്ക് കെഎഫ്‌സി 40 ലക്ഷം വരെ പലിശരഹിത വായ്പ നല്‍കുമെന്ന് മുഖ്യപ്രഭാഷണം നടത്തിയ ധനമന്ത്രി കെഎം. മാണി അറിയിച്ചു. പ്രമുഖ വ്യവസായിയും എംകെ ഗ്രൂപ് ചെയര്‍മാനുമായ എംഎ യുസുഫലി, കെഎസ് ഐഡിസി ചെയര്‍മാന്‍ ടികെഎ നായര്‍, ബ്രിട്ടീഷ് ഡെപ്യൂട്ടി ഹൈക്കമീഷണര്‍ ഭരത് ജോഷി, അരുണ സുന്ദരരാജന്‍, പ്രിന്‍സിപ്പല്‍ സെക്രട്ടറി പിഎച്ച്. കുര്യന്‍, ഇന്‍ഡസ്ട്രീസ് സെക്രട്ടറി സത്യജിത് രാജന്‍ തുടങ്ങിയവര്‍ പ്രസംഗിച്ചു. രാവിലെ ആരംഭിച്ച യുവസംരംഭക ഉച്ചകോടിയില്‍ സംസ്ഥാനത്തിന്റെ വിവിധ ഭാഗങ്ങളില്‍നിന്ന് രണ്ടായിരത്തിലേറെ പ്രതിനിധികള്‍ പങ്കെടുത്തു.

വിദ്യാര്‍ത്ഥികള്‍ അധ്യാപകരാവുന്നു

കൊച്ചി: വിദ്യാര്‍ത്ഥികളില്‍ അധ്യാപന പരിചയം വളര്‍ത്തുകയെന്ന ലക്ഷ്യത്തോടെയുള്ള നൂതനവും സംവാദാത്മകവുമായ പാഠ്യപദ്ധതിയുടെ ഭാഗമായി ടോക് എച്ച് ഇന്‍സ്റ്റിറ്റിയൂട്ട് ഓഫ് സയന്‍സ് ആന്‍ഡ് ടെക്‌നോളജിയിലെ (ടിസ്റ്റ്) മുതിര്‍ന്ന വിദ്യാര്‍ഥികള്‍ നവാഗതര്‍ക്ക് ആമുഖപാഠങ്ങളും അനുഭവങ്ങളും പകര്‍ന്നു നല്‍കുന്ന അധ്യാപകരാകുന്നു. അധ്യയനം കൂടുതല്‍ രസകരമാക്കേണ്ടത് ആവശ്യമാണ്. ലോകത്തു നടന്നുകൊണ്ടിരിക്കുന്ന മാറ്റങ്ങള്‍ പരിഗണിക്കുമ്പോള്‍ പഴയ പഠിപ്പിക്കല്‍ രീതികള്‍ വിദ്യാര്‍ഥികള്‍ക്ക് വേണ്ടത്ര ഗുണംചെയ്യില്ല. കുട്ടികളില്‍ കൂടുതല്‍ ആത്മവിശ്വാസം ഉണ്ടാക്കുകയും കോളജില്‍ നിന്നിറങ്ങുമ്പോള്‍തന്നെ തൊഴില്‍ നേടാന്‍ സജ്ജരാക്കുകയും വേണം. പുതിയ സംവാദാത്മക പരിപാടി ഈ ലക്ഷ്യത്തോടെയുള്ളതാണെന്നും ടിസ്റ്റ് പ്രിന്‍സിപ്പല്‍ ഡി വിന്‍സന്റ് എച്ച് വില്‍സണ്‍ പറഞ്ഞു

 

 

ഇരവികുളത്ത് വരയാടുകളുടെ എണ്ണത്തില്‍ വര്‍ധനവ്

മൂന്നാര്‍: വരയാടുകളുടെ എണ്ണത്തില്‍ ഇരവികുളത്ത്‌വര്‍ധനവ്. ഏപ്രില്‍ 24 മുതല്‍ 28 വരെ വന്യജീവി വകുപ്പ് നടത്തിയ കണക്കെടുപ്പില്‍ പുതിയ 894 വരയാടുകളെയാണു കണ്ടെത്തിയത്. 1969 മുതലുള്ള മുഴുവന്‍ കണക്കെടുപ്പുകളില്‍ വച്ച് ഇവയുടെ എണ്ണത്തില്‍ ഏറ്റവും വര്‍ധന കണ്ടിരിക്കുന്നത് ഇത്തവണയാണ്. 1996 ലാണ് വനംവകുപ്പ് ആദ്യമായി വരയാടുകളുടെ സെന്‍സസ് നടത്തിയത് അന്ന് 640 എണ്ണമാണ് ഉണ്ടായിരുന്നത്. പിന്നീട് 1998ല്‍ ഇത് 700 ആയി വര്‍ധിച്ചു. കേരള ഫോറസ്റ്റ് റിസര്‍ച് ഇന്‍സ്റ്റിറ്റിയൂട്ട് 2000ല്‍ നടത്തിയ പഠനത്തില്‍ കണ്ടെത്തിയത് 690 ആടുകളെയായിരുന്നു. 2003 ല്‍ 750-ഉം 2005 ല്‍ 670-ഉം എണ്ണമുണ്ടായിരുന്നു എന്നാണ് കണക്കുകള്‍.

ജിപിഎസ് സംവിധാനവും കണക്കെടുപ്പിനായി പയോജനപ്പെടുത്തി.മൂന്നാര്‍ വൈല്‍ഡ് ലൈഫ് വാര്‍ഡന്റെ നേതൃത്വത്തില്‍ കേരള കാര്‍ഷിക സര്‍വകലാശാലയ്ക്കു കീഴിലുള്ള കോളജ് ഓഫ് ഫോറസ്ട്രി ആന്‍ഡ് വെറ്ററിനറി സയന്‍സ്, എന്‍ജിഒകള്‍ എന്നിവയുടെ സഹകരണത്തോടെയാണ് കണക്കെടുപ്പു നടത്തിയത്.

കെപ്ലർ 421ബിക്ക് മാതൃനക്ഷത്രത്തെ ചുറ്റാൻ 704 ദിവസം വേണം

വാഷിങ്ടൺ : കണ്ടുപിടിച്ചവയിൽ വച്ച് ഏറ്റവുമധികം സമയംകൊണ്ട് മാതൃനക്ഷത്രത്തെ ചുറ്റുന്ന ഗ്രഹം ജ്യോതിശ്ശാസ്ത്രജ്ഞർ കണ്ടെത്തി. ‘കെപ്ലർ 421ബി’ എന്ന ഗ്രഹം വെറും 704 ദിവസംകൊണ്ടാണ് മാതൃനക്ഷത്രത്തെ ഒരുതവണ ചുറ്റിസഞ്ചരിക്കുന്നത്. ഭൂമി സൂര്യനെ ചുറ്റാൻ എടുക്കുന്ന സമയത്തിന്റെ ഇരട്ടിയോളം വരുമിത്.

ആകെ കണ്ടെത്തിയ 1800ലേറെ ഗ്രഹങ്ങളിൽ നിന്നും വളരെ വ്യത്യസ്തമാണ് ഈ ഗ്രഹം. മാതൃനക്ഷത്രങ്ങൾക്ക് വളരെ അടുത്താണ് സാധാരണ ഗ്രഹങ്ങളുടെ സ്ഥാനം എന്നതിനാൽ, അവയ്‌ക്കെല്ലാം മാതൃനക്ഷത്രത്തെ ചുറ്റിവരാൻ ചെറിയസമയം മതി. കെപ്ലർ 421 ബിക്ക് അല്ലാതെ ഒരു അന്യഗ്രഹത്തിനും ഇത്രനീണ്ട ഭ്രമണപഥം ഉള്ളതായി കണ്ടെത്തിയിട്ടില്ല.

അമേരിക്കയിൽ ഹാർവാഡ് സ്മിത്ത് സോണിയൻ സെന്റർ ഫോർ അസ്‌ട്രോഫിസിക്‌സിലെ ( സിഎഫ്എ) ശാസ്ത്രജ്ഞരാണ് ഈ മെല്ലെപോക്ക് ഗ്രഹത്തെ കണ്ടെത്തിയത്. ഭൂമിയിൽനിന്ന് ആയിരം പ്രകാശവർഷം അകലെയാണ് കെപ്ലർ 421ബിയുടെ വാസം.

മഞ്ജുവും റോഷനും ഹൗ ഓള്‍ഡ് ആര്‍ യുവിലൂടെ പറയും മുമ്പേ ഇവര്‍ ഈ കഥ ഇങ്ങനെ പറഞ്ഞിരുന്നു....

ഹൗ ഓള്‍ഡ് ആര്‍ യു സിനിമ കണ്ടു കഴിഞ്ഞപ്പോഴാണ് നമ്മളില്‍ പലരും മൂക്കത്ത് കൈവെച്ചത്. കഴിച്ച പച്ചക്കറികളിലെയും ഫല വൃക്ഷങ്ങളിലെയും വിഷത്തെ പറ്റി ആലോചിച്ചായിരുന്നു നമ്മള്‍ നെടുവീര്‍പ്പിട്ടത്. റോഷനും മഞ്ജുവും ബോബി സഞ്ജയ് കൂട്ട് കെട്ടു വളരെ മനോഹരമായി ഒരു സാമൂഹ്യ സന്ദേശം സിനിമയിലൂടെ പറഞ്ഞതോടെ നമ്മുടെ മന്ത്രിമാര്‍ അടക്കമുള്ളവര്‍ പെട്ടെന്ന് ബോധവാന്‍മാരായി. ജനങ്ങള്‍ വിഷമില്ലാത്ത പച്ചക്കറികള്‍ തേടി ഓട്ടം തുടങ്ങിയിരിക്കുന്നു.

Vasudha

രണ്ടു വര്‍ഷം മുന്‍പേ ഈ ആശയം ഉയര്‍ത്തി പിടിച്ചു കൊണ്ട് നഗരവത്കരണത്തിന്റെയും വ്യവസായ മുന്നേറ്റത്തിന്റേയും തിരക്കില്‍ മറന്നു പോയ പച്ചപ്പിനെ തിരിച്ചു പിടിക്കാന്‍ പ്രകൃതിയെ സ്‌നേഹിച്ച ഒന്‍പത് സുഹൃത്തുക്കളുടെ സ്വപ്നസാക്ഷാത്ക്കാരമായി ആരംഭിച്ച ‘വസുധ’ അഭിനന്ദനം അര്‍ഹിക്കുന്നു. വര്‍ഷങ്ങള്‍ക്കു മുന്‍പേ തന്നെ ഇവര്‍ ഈ കഥ ഇങ്ങനെ പറഞ്ഞിരുന്നു.

വിശ്വസിച്ചു വാങ്ങിക്കഴിക്കാവുന്ന ഒറ്റപച്ചക്കറി പോലും മാര്‍ക്കറ്റുകളില്ല. വിഷം ചാലിച്ചു സുന്ദരമാക്കിയ പഴങ്ങള്‍, കുത്തിവച്ചു തുടുപ്പിച്ച പച്ചക്കറികള്‍. ഓരോ ദിവസവും കണക്കില്ലാതെ വിഷമമയമായിക്കൊണ്ടിരിക്കുന്ന സ്വന്തം ശരീരത്തെ നോക്കി നിസംഗതയോടെ നാമിന്ന് നില്‍ക്കുന്നു. മലയാളി നഗരങ്ങളിലേക്കു ചേക്കേറിയ മലയാളികള്‍ ഒപ്പം തന്നെ നവീന ഭക്ഷണശീലങ്ങളിലേക്കും അത് പിന്നീട് ആശുപത്രികളിലെ നിത്യസന്ദര്‍ശകരുമാരാക്കി. എന്നിട്ടും തീന്‍മേശയില്‍ പുതിയരുചികള്‍ കടല്‍ കടന്നെത്തി. ഒപ്പം രോഗങ്ങളും.
പിന്നീടുണ്ടാകുന്ന തിരിച്ചറിവിന്റെ കാലത്ത് ആരോഗ്യകരമായ ആഹാരശീലങ്ങളിലേക്കു മടങ്ങാന്‍ ഒരുങ്ങുന്ന മലയാളിയെത്തേടി എത്തിയ സൗഭാഗ്യമാണ് വസുധ. കാലത്തിന്റെ തള്ളിക്കയറ്റത്തില്‍ മറന്നു തുടങ്ങിയ രുചികളുടെ വസന്തത്തെയാണ് വസുധ നമുക്ക് വീണ്ടെടുത്ത് തരുന്നത് എന്ന് നമുക്ക് ഉറപ്പിച്ചു പറയാനാകും.

ഇന്ത്യയിലെ തന്നെ ആദ്യ സമ്പൂര്‍ണ ജൈവ സൂപ്പര്‍ മാര്‍ക്കറ്റായ വസുധ നിരവധി ജൈവ കര്‍ഷകര്‍ക്കിന്ന് അത്താണിയാണ്. പൂര്‍ണമായും രാസവളമുക്തായ ഉത്പന്നങ്ങളാണ് വസുധയില്‍ വിറ്റഴിക്കുന്നത്. അരി, പച്ചക്കറികള്‍, ഫലവര്‍ഗങ്ങള്‍ തുടങ്ങി സൗന്ദര്യവര്‍ദ്ധക വസ്തുക്കളും പ്രകൃതികൃഷി സംബന്ധമായ പുസ്തകങ്ങളും വരെ വസുധയില്‍ ലഭ്യമാണ്. ഉത്പന്നങ്ങളുടെ മേലുള്ള വിശ്വാസ്യത നിലനിര്‍ത്താന്‍ സംരംഭകര്‍ തന്നെ നേരിട്ട് കൃഷിയിടങ്ങളിലെത്തി പരിശോധന നടത്തുന്നു. ഇന്ത്യയുടെ വിവിധ ഭാഗങ്ങളില്‍ നിന്നുള്ള ജൈവകര്‍ഷകരില്‍ നിന്നാണ് ഉത്പന്നങ്ങള്‍ ശേഖരിക്കുന്നത്. നൂറുകണക്കിന് ഏക്കറില്‍ വിപുലമായി ഫാമിങ് നടത്തുന്നവരുടെ മുതല്‍ സാധാരണ ജൈവകര്‍ഷകരുടെ വരെ സേവനം വസുധയ്ക്ക് ബലമേകുന്നു.

അംഗീകൃത ഗവേഷണ കേന്ദ്രങ്ങളുടെ സഹായവും വസുധയ്ക്കുണ്ട്. കേരളത്തിലെ വിവിധ ജില്ലകളിലെ പ്രശസ്തരായ അലോപ്പതി ,ആയുര്‍വേദം ,ഹോമിയോ ഡോക്ടര്‍മാര്‍ വസുധയില്‍ സ്ഥിരം സന്ദര്‍ശകരാണ് .സമൂഹത്തിന്റെ മാറ്റങ്ങളോടു ചേര്‍ന്ന് സഞ്ചരിക്കുന്ന തിരക്കഥാകൃത്തും സംവിധായകനും നടനുമായ ശ്രീനിവാസന്‍ തന്റെ തിരക്കുകള്‍ക്കിടയിലും ആഴ്ചയിലൊരു ദിവസം മുടങ്ങാതെ വസുധയില്‍ എത്തുകയും വീട്ടാവാശ്യങ്ങള്‍ക്കായുള്ള സാധനങ്ങള്‍ വാങ്ങിക്കൊണ്ട് പോവുകയും ചെയ്യുന്നു. ശ്രീനിവാസന് പുറമേ ബിജു മേനോനും സംയുക്തവര്‍മ്മയും ഭാവനയും റീമകല്ലിങ്കലും എന്ന് വേണ്ട ഒട്ടുമിക്ക സിനിമാ സാംസ്‌ക്കാരിക പ്രവര്‍ത്തകരും വസുധയിലെ സ്ഥിരം ഉപഭോക്താക്കളാണ് എന്നത് പ്രകൃതിയിലേക്ക് മടങ്ങുന്ന ഒരു തലമുറയുടെ ഉദാഹരണം കൂടിയാണ്. കഴിക്കുമ്പോള്‍ തന്നെ രുചിയുടെ വ്യത്യാസം അറിയാനാകുന്നുവെന്നാണ് അവരോരുത്തരും അഭിപ്രായപ്പെടുന്നത്.

Vasudha-pic
വിഷം പുരട്ടിയവ അറിഞ്ഞുകൊണ്ട് കഴിക്കാന്‍ ആരും ഇഷ്ടപ്പെടുന്നില്ല. മറ്റുമാര്‍ഗങ്ങളില്ലാത്തതിനാലാണ് അവരത് വാങ്ങുവാന്‍ നിര്‍ബന്ധിതരാകുന്നത്. പരമാവധി നല്ല സാധനങ്ങള്‍ ലഭ്യമാക്കിയാല്‍ തീര്‍ച്ചയായും അതിനാവശ്യക്കാരുണ്ടാകും. വസുധ കേവലം വിപണി ലക്ഷ്യമാക്കികൊണ്ടു മാത്രമല്ല പ്രവര്‍ത്തിക്കുന്നത്. സമൂഹത്തോട് കൃത്യമായ പ്രതിബദ്ധതയോടെയാണ് ഞങ്ങള്‍ ഓരോ ചുവടുമുറപ്പിക്കുന്നത്. ജൈവ കൃഷിയുടെ പ്രധാന്യം ജനങ്ങളിലേക്കെത്തിക്കാനും ജൈവകര്‍ഷകര്‍ക്ക് താങ്ങാകാനും വസുധ ശ്രമിക്കുന്നു.’ വസുധയുടെ മാനേജിങ് ഡയറക്ടറും ചെയര്‍മാനുമായ കെസി സുരേഷ് കുമാര്‍പറഞ്ഞു. .ജനങ്ങളുടെ വിശ്വാസം ഉറപ്പിക്കാന്‍ പരിപൂര്‍ണമായും കഴിയും എന്ന ഉറപ്പുണ്ടായാല്‍ മാത്രമേ മറ്റു സ്ഥലങ്ങളില്‍ ആരംഭിക്കുകയുള്ളൂ .ഓണ്‍ലൈന്‍ വില്പന സജീവമാക്കാന്‍ ഉള്ള തയ്യാറെടുപ്പിലാണ് സുരേഷും സംഘവും. കേരളത്തിന്റെ മറ്റിടങ്ങളിലും വസുധ ആഹാരത്തിന്റെ, ആരോഗ്യത്തിന്റെ പര്യായമാകാന്‍ ഒരുങ്ങുകയാണ്. വസുധയുടെ ഫ്രാഞ്ചയ്‌സികള്‍ക്ക് വേണ്ടിയുള്ള അന്വേഷണങ്ങള്‍ രാജ്യത്തിനകത്തു നിന്നും പുറത്തു നിന്നും ദിവസേന ഉണ്ടാകുമ്പോഴും വസുധയുടെ ശില്‍പികള്‍ ഓരോ ചുവടും സൂക്ഷ്മതയോടെ ആണ് മുന്നോട്ട് വെയ്ക്കുന്നത്.’
കേരള ജൈവ കര്‍ഷക സമിതിയുടെ സഹകരണത്തോടെയാണ് വസുധയിലെ ഓരോ പ്രവര്‍ത്തനങ്ങളും. കൃത്യമായ ഇടവേളകളില്‍ കര്‍ഷകരുടെ ഒത്തുചേരലുകള്‍ ഈ മേഖലയിലുള്ളവര്‍ക്കും വരാനാഗ്രഹിക്കുന്നവര്‍ക്കും കൂടുതല്‍ പ്രചോദനമാകുന്നു. ഒരിക്കല്‍ വസുധയുടെ ഉപഭോക്താക്കളായല്‍ പിന്നെ വസുധയല്ലാതെ മറ്റൊരിടത്തേയും കുറിച്ച് ചിന്തിക്കാന്‍ പോലുമാകില്ലെന്ന് ഉപഭോക്താക്കളും സാക്ഷ്യപ്പെടുത്തുന്നു. വിഷവിമുക്തമായ ഉത്പന്നങ്ങള്‍ക്കൊപ്പം പണ്ടെങ്ങോ നാവില്‍ കയറിക്കൂടിയ നാട്ടുരുചിയാണ് വസുധ നല്‍കുന്നത്.

രാസവളങ്ങള്‍ കൊണ്ടും മലിനമായ നമ്മുടെ കൃഷിയിടങ്ങളില്‍ പൂര്‍ണമായും ജൈവവളം ഉപയോഗിച്ച് കൃഷി ചെയ്ത് സാധാരണ വിലയില്‍ വില്‍പന നടത്തുകയെന്നത് അസാധ്യമാണ്. നിരന്തരമായി ജൈവകൃഷി നടത്തുന്നതിലൂടെ മണ്ണിന്റെ ഫലഭൂയിഷ്ടി വീണ്ടെടുക്കാനാകുമെന്ന് പരിസ്ഥിതി പ്രവര്‍ത്തകര്‍ പ്രത്യാശിക്കുന്നു. ഇത്തരമൊരു സാഹചര്യത്തില്‍ പോലും മറ്റു മാര്‍ക്കറ്റുകളെ അപേക്ഷിച്ച് മിതമായ നിരക്കില്‍ ഉത്പന്നങ്ങള്‍ ലഭ്യമാണെന്നുള്ളതാണ് വസുധയുടെ സ്വീകാര്യതയ്ക്കുള്ള മറ്റൊരു കാരണം. സാര്‍വ്വത്രികമായി ഇത്തരത്തിലുള്ള ശ്രമങ്ങള്‍ ഉണ്ടാകണമെന്നുള്ളതാണ് വസുധ നമുക്കു നല്‍കുന്ന സന്ദേശം. മാരകരോഗങ്ങള്‍ കഴിച്ചു നേടേണ്ടെന്ന് നാം ഓരോരുത്തരും തീരുമാനിക്കുമ്പോള്‍ പ്രകൃതിയ്ക്കും ജീവനത്തിനും പുതുനാമ്പുകള്‍ മുളയ്ക്കുകയായ്.

കൂടുതല്‍ വിവരങ്ങള്‍ക്ക് വിളിക്കാവുന്ന ഫോണ്‍ നമ്പരും വിലാസവും
കെസി സുരേഷ് കുമാര്‍ : 9446085857
ചെയര്‍മാന്‍ ആന്‍ഡ് മാനേജിങ് ഡയറക്ടര്‍
വസുധ ഓര്‍ഗാനിക് സൂപ്പര്‍ മാര്‍ക്കറ്റ്
ഉദയനഗര്‍ , പൂങ്കുന്നം
അയ്യന്തോള്‍ പിഒ, തൃശ്ശൂര്‍
info@vasudharetail.com, Phone :+91 487 2382665

പോണ്‍ചിത്രങ്ങള്‍ കാണുന്നവരുടെ ഫെയ്‌സ്ബുക്ക് അക്കൗണ്ടുകള്‍ നിര്‍ത്തലാക്കുന്നു

ബെയ്ജിംങ്: പോണ്‍ചിത്രങ്ങള്‍ കാണുന്നവരുടെ സോഷ്യല്‍ മീഡിയ അക്കൗണ്ടുകള്‍ നിര്‍ത്തലാക്കുന്നു. ചൈനയിലാണ് ഇത്തരം അക്കൗണ്ടുകള്‍ നിര്‍ത്തലാക്കുന്നത്. പോണ്‍സൈറ്റുകള്‍ സന്ദര്‍ശിക്കാനായി മാത്രം സോഷ്യല്‍ മീഡിയയില്‍ അക്കൗണ്ടുകള്‍ തുടങ്ങിയ 18 ലക്ഷം പേരുടെ അക്കൗണ്ടുകള്‍ ചൈനയിലെ സൈബര്‍ സ്‌പേസ് അഡ്മിനിസ്‌ട്രേഷന്‍ ഇതിനോടകം നിര്‍ത്തലാക്കി കഴിഞ്ഞു. ഒരു ദിവസം കൊണ്ടാണ് ഇത്രയും അക്കൗണ്ടുകള്‍ നശിപ്പിച്ചത്.

ചൈനീസ് ഔദ്യോഗിക ഏജന്‍സിയായ സിന്‍ഹുവാണ് ഈ വിവരം പുറത്തു വിട്ടിരിക്കുന്നത്. വീ ചാറ്റ്, ചൈനയിലെ ട്വിറ്ററിനു പകരമായി ഉപയോഗിക്കുന്ന മൈക്രോബ്ലോഗ് തുടങ്ങിയവയിലെ അക്കൗണ്ടുകളാണ് പ്രധാനമായും നിര്‍ത്തലാക്കിയത്.

ചൈനയില്‍ പോണ്‍സൈറ്റുകള്‍ക്കെതിരെ ശക്തമായ പ്രചാരണം നടന്നുവരികയാണ്.

പ്രണയ പരവശനായ 70 കാരന്‍ യുവതിക്കയച്ചത് പതിനായിരക്കണക്കിനു പ്രണയ ലേഖനങ്ങള്‍

പ്രണയത്തിന് കണ്ണും മൂക്കുമില്ലെന്നാണ് പ്രമാണം. ഉത്തര്‍ പ്രദേശിലെ വൃദ്ധ കാമുകന്റെ കാര്യത്തില്‍ ഈ പഴമൊഴി അക്ഷരം പ്രതി ശരിയാണ്. കാരണം പ്രണയം മൂത്ത് വൃദ്ധകാമുകന്‍ വിവാഹിതയായ യുവതിക്കയച്ചത് പതിനായിരക്കണക്കിനു കത്തുകളാണ്.  ഒടുവില്‍ വൃദ്ധ പൂവാലനെ പോലീസ് പിടികൂടുകയും ചെയ്തു.

സാന്‍സിഗേറ്റ് ബിഹാരി നഗറിലുള്ള റിട്ട. സെയില്‍സ് ടാക്‌സ് ഉദ്യോഗസ്ഥനായ ചരന്‍ ലാല്‍ രാവത്താണ് (70) വൃദ്ധകാമുകന്‍. അപ്പൂപ്പന് അടുത്ത വീട്ടിലെ യുവതിയോട് പ്രണയം തോന്നി. പിന്നെ ഒട്ടും വൈകിയില്ല പ്രേമലേഖനമെഴുതി തുടങ്ങി. 70 ഒരു പാരയാകുമോയെന്നു തോന്നിയതുകൊണ്ടാകാം 15 കാരനായ യുവകാമുകനായാണ് പ്രണയലേഖനമെഴുതിയത്.

ഇതിനിടെ യുവതിയെ ബുലന്ദേശ്വറിലേക്ക് വീട്ടുകാര്‍ വിവാഹം കഴിപ്പിച്ചുവിട്ടു. തുടര്‍ന്ന് അപ്പൂപ്പന്‍ ഭര്‍ത്താവിന്റെ വീട്ടിലേക്ക് കത്തെഴുതി തുടങ്ങി. കത്ത് കൃത്യമായി യുവതിയുടെ ഭര്‍ത്താവിന്റെ കയ്യില്‍ കിട്ടി. യുവതിയുടെ ഭര്‍ത്താവിനെ തട്ടുമെന്ന ഭീഷണിയും കത്തിലുണ്ടായിരുന്നു. പോലീസിന്റെ അന്വേഷണം അലിഗഡിലെ ഹെഡ്‌പോസ്റ്റോഫീസില്‍ ചെന്നെത്തി ഇവിടുത്തെ സിസിടിവിയില്‍ അപ്പൂപ്പന്റെ ചിത്രം വ്യക്തമായി
പതിഞ്ഞിരുന്നു. ഇതോടെ വൃദ്ധ പൂവാലനെ പോലീസ് കൃത്യമായി പൊക്കി.

നെത്തോലി തോരന്‍

ചേരുവകള്‍
1. നെത്തോലി വൃത്തിയാക്കിയത് 250 ഗ്രാം
2. തേങ്ങ തിരുമ്മിയത് ഒരു കപ്പ്
3. മുളകുപൊടി ഒരു ടീസ്പൂണ്‍
4. കുരുമുളക് പൊടി ഒരു ടീസ്പൂണ്‍
5. മല്ലിപ്പൊടി ഒരു ടീസ്പൂണ്‍
6. ഉലുവപ്പൊടി ഒരു ടീസ്പൂണ്‍
7. മഞ്ഞള്‍പ്പൊടി അര ടീസ്പൂണ്‍
8. ചെറിയഉള്ളി അര കപ്പ്
9. പച്ചമുളക് അഞ്ച് എണ്ണം
10. വെളുത്തുള്ളി അഞ്ച് അല്ലി
11. കടുക് ആവശ്യത്തിന്
12. കറിവേപ്പില 2 തണ്ട്
13. ഉപ്പ് പാകത്തിന്

പാകം ചെയ്യുന്ന വിധം
പാത്രം ചൂടാകുമ്പോള്‍ എണ്ണ ഒഴിച്ച് കടുക് പൊട്ടിക്കുക. കറിവേപ്പില ചേര്‍ക്കുക. ഇതിലേക്ക് ചെറിയുള്ളി, പച്ചമുളക്, വെളുത്തുള്ളി ചേര്‍ത്ത് നന്നായി വയറ്റിയെടുക്കുക. പിന്നീട് നെത്തോലി ചേര്‍ക്കുക. ആവശ്യത്തിന് ഉപ്പും അല്‍പ്പം വെള്ളവും ചേര്‍ത്ത് അടച്ചുവെച്ച് വേവിക്കുക. തേങ്ങ, കുരുമുളക് പൊടി, മഞ്ഞള്‍പ്പൊടി, മല്ലിപ്പൊടി, മുളക് പൊടി, ഉലുവപ്പൊടി എന്നിവ ചേര്‍ത്ത് തരുതരുപ്പായി അരച്ചെടുക്കുക. മീന്‍കൂട്ടിലേക്ക് ചതച്ചെടുത്ത തേങ്ങ മിശ്രിതം ചേര്‍ത്ത് നന്നായി യോജിപ്പിക്കുക. അല്‍പ്പസമയം കഴിഞ്ഞ് വിളമ്പാം….